JESAYA 10:13 - BIBEL JAMITA NA DENGGAN

¹³ Manggambung ma raja Asur, ning ia ma, “Markite-hite kuasongku sandiri do da i hubaen sudena. Sai gogo, sai bisuk dohot sai pistar au antong. Husesa angka na mangholangi angka bangso, jana hurampas arta na nipalagut-lagut ni halahi. Jana songon lombu, hulonca-lonca angka halak na mamarenta.

JESAYA 10:13 ပူးပေါင်းရင်းမြစ်များ

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

2 RAJA-RAJA 16:8

Ditongoskon ia muse ma siluania sere dohot perak na sian Bagas Ni Debata, dohot sinadongan na sian bagas ni raja.

2 RAJA-RAJA 17:24

Laho manggonti halak Israel na dioban tu habuangan i, dibaen raja Asur ma di angka kota ni Samaria halak Babel, Kuta, Awa, Hamat dohot halak Sefarwaim. Dibuat halahi ma angka kota i jana maringanan ma halahi disi.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

2 RAJA-RAJA 18:11

Dung i dioban raja Asur ma halak Israel gabe taban tu Asur; dibaen ia ma deba sian halahi di Hala, deba di lambung ni Batang aek Habor di Luat Gosan, jana na deba nari di angka kota na di Luat Madai.

2 RAJA-RAJA 18:15

Jadi sude perak na adong di Bagas Ni Debata dohot na di bagasan kas ni bagas godang, ditongos si Hiskia ma tu si Sanherib.

2 RAJA-RAJA 18:32

lopus hupabungkas hamu tu sada luat na tudos tu luatmunu sandiri. Adong do disi kobun anggur na mangalehen anggur suha di hamu, adong do ladang ni gandum na mangalehen topung sipanganonmunu. Bahat do di luat i bona ni zetun, miak zetun dohot aer ni loba. Muda ra hamu mangihutkon na huparentahon tu hamu, mangolu ma hamu, nada mate. Ulang patangi-tangi hamu anggo si Hiskia. Hum na paoto-otohon hamu do i anso diambang hamu ro Tuhan laho paluahon hamu.

1 JUJUR TAON 5:26

Jadi hara ni i, dipatubu Debata ma tu bagasan roha ni si Pul raja ni Asur, gabe kehe ma ia mamorangi luat i. Laing tarbarita do goar ni si Pul, si Tiglat-Pileser. Jadi gabe dioban ia ma Marga Ruben, Gad dohot Manase na di Habincaran gabe hona taban jana dibuang tu Halah, Habor, Hara dohot tu inganan na di lambung ni Batang aek Gosan. Disi noma halahi maringanan lopus tu sadari on.

PODA 28:11

Sai matua na marbisuk do dirina hilalaon ni halak na kayo, tapi halak na pogos na marroha, sai tongtong do ditanda dirina.

JESAYA 10:8

Dipaginjang ia ma rohania, ning ia ma, “Raja do sude angka panglimangku!

JESAYA 5:21

Marjaya ma halahi hara ni na diambang dirina na bisuk jana na lobi pistar.

JEREMIA 46:8

I ma da Mesir. Didok ia, ‘Jongjong noma au jana rajaanku portibi on. Roncohononku angka kota maradu pangisina.

JEREMIA 48:14

Biasi didokkon halaklahi ni Moab, ‘Na gogo do hami, tentara na barani na dung tammat di bagasan parporangan?’

JEHESKIEL 25:3

Suru ma bangso i manangihon sanga aha na Hudok, Au Tuhan Debata mandok tu halahi, ‘Sonang do rohamunu paida-ida inganan na badiangKu dipahodar dohot tano Israel disegohon jana halak Jahudi dioban tu habuangan.

JEHESKIEL 26:2

“Ale jolma parsantongkinan, marsurak-surak do halak Tirus lalu mandok, ‘Madung maronco Jerusalem! Gogona di parboniagaan madung mago! Nada be imbangta i!’ ”

JEHESKIEL 29:3

Jana dohononmu ma: Songon on do hata ni Tuhan Debata, “Ligi ma, musumu do Au ale Raja Parao, raja ni Mesir, buaya na godang i na manggompang di tonga-tonga ni batang aek, na mandok: Au do nampuna Batang aek Nil jana au do mambaen i.

JEHESKIEL 35:13

Ale bangso Edom, siruak pamangan do hamu jana bulbul pangkulingmunu tu Au. Na dung Hubege do sudena i.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

AMOS 5:27

muda Hubuang hamu tu sada luat na dumao sian Damaskus, ninna Tuhan na margoar Debata Na Markuaso.”

AMOS 6:13

Ale hamu na marjop ni roha hara ni Lodabar, jana na mandok, “Nada he marhite hagogoonta do tarampas Karnaim di hita?”

HABAKUK 1:11

Dung i songon hipas ni alogo markehean ma angka jolma i na mardebatahon hagogoonna sandiri.”

HABAKUK 1:16

Dung i disomba halahi ma jala i jana dihaulkon halahi haul tu hadang-hadanganna, angke hara ni jala i madung mardohar halahi marlobi-lobian.

HABAKUK 2:6

Tapi anggo angka bangso na dipatunduknia, sai manyindir ma i jana pacia-ciahon tusia. Dokkonon ni halahi ma, “Sai hona bura ma ho hara ni na pagukguk harto na so ho nampunasa! Sadia honok nari he sai pakayoonmu dirimu marhite na mamaksa angka halak na marutang tu ho anso digarari halahi utangna?”

PANGARATAION 8:17

Jadi, ulang diambang hamu hara ni pambaenan dohot gogomunu sandiri hamu gabe mamora.

HAKIM-HAKIM 7:2

Didok Tuhan ma tu si Gideon, “Mabahattu do anak buami. Nada tarlehen Au hamonangan di halahi maralohon halak Midian, angke dipikir halahi muse hara ni gogo ni halahi sandiri umbaen na monang halahi, gabe nada dilehen halahi pujian tu Au.