JESAYA 10:1 - BIBEL JAMITA NA DENGGAN

¹ Marjaya ma hamu! Dipambaeni hamu do angka aturan na so tigor laho mamisat bangsongKi.

JESAYA 10:1 ပူးပေါင်းရင်းမြစ်များ

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

MASMUR 58:2

Nada, niet na jat do di bagasan rohamunu, jana mangasa gogo do hamu di luat on.

HARURUAR 23:3

Ulang mamihak hamu tu halak na pogos hatiha niadilan ia.

HARURUAR 23:6

Ulang tabunihon mambaen na tigor tu halak na pogos muda ro ia mangaduhon parkaronia tu pangadilan.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 5:11

Marjaya ma hamu! Sian manyogot lalu tu borngin, hum na manginum siinumon na koras ma hamu jana marmabuk-mabuk.

JESAYA 5:18

Marjaya ma halahi na manghail hasalaan dohot tali ni gabus, jana dosa songon tali ni garobak.

JESAYA 5:23

Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

JESAYA 5:8

Marjaya ma hamu! Ditobusi hamu ma angka bagas dohot angka ladang laho manamba sinadonganmunu. Nada sadia honok nari abis ma inganan di halak na asing jana hum hamu sajo noma na maringanan di luat i.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

JEREMIA 22:13

Marjaya ma halak na pajongjong bagasna marhite hageduhan, jana na pabidangkonsa marhite panipuan. Marjaya ma sanga ise na marsuru halak markarejo hape nada marupa.

AMOS 2:7

Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

HABAKUK 2:12

Hona bura ma ho! Dipajongjong ho do kota di ginjang ni hajahatan jana dibaen ho do i mardongan pamunuon.

HABAKUK 2:15

Marjaya ma halak na mangalehen donganna jolma minum mardongan muruk, jana na mambaensa lopus mabuk, giot mangaligi hahailana.

HABAKUK 2:19

Hona bura ma halak na mangkuling tu hayu santuho, “Ngot ma ho!” Tu sada batu na ngungu, “Jongjong ma ho!” Tarbaen sada patung ma he mandok sangkababa hata tu ho? Nian marlampis sere do i dohot perak, tapi anggo tondi umpe adong di bagasanna.

HABAKUK 2:6

Tapi anggo angka bangso na dipatunduknia, sai manyindir ma i jana pacia-ciahon tusia. Dokkonon ni halahi ma, “Sai hona bura ma ho hara ni na pagukguk harto na so ho nampunasa! Sadia honok nari he sai pakayoonmu dirimu marhite na mamaksa angka halak na marutang tu ho anso digarari halahi utangna?”

HABAKUK 2:9

Hona bura ma ho! Dipagukguk ho arta tu dongan sabagasmu marhite untung na dapotmu sian hakejamon, anso aman bagasmu sandiri jana dao sian hasusaan dohot parmaraan.

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

MATEUS 23:29

“Marjaya ma hamu angka Siboto Surat dohot halak Parise! Pangalancap do hamu! Jeges-jeges dibaen hamu kuburan ni angka panurirang i, digorgai hamu angka tugu parningotan di halak na denggan ngoluna.

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

LUKAS 11:52

Marjaya ma hamu angka Siboto Surat, angke madung dibuat hamu anak kunci ni parbinotoan, hape hamu sandiri pe nada ra masuk tu bagasan, gariada tehe diolat hamu do angka na giot masuk tu bagasan!’ ”

JOHANNES 19:6

Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.