JESAYA 1:9 - BIBEL JAMITA NA DENGGAN

⁹ Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 1:9 ပူးပေါင်းရင်းမြစ်များ

PAMUNGKAAN 18:26

Dung i didok Tuhan i ma, “Sugari adong dapot Au lima pulu halak na tigor di Sodom, ampunanKu do sude na sakota i hara ni halahi.”

PAMUNGKAAN 18:32

Didok si Abraham ma, “Ulang ma da muruk Ho ale Tuhan, hum sanoli on noma dokkononku. Bia muda adong dapot hum sampulu halak sajo?” Didok Tuhan ma, “Muda adong sampulu halak na so marsala, nada pola abiskononKu kota i.”

PAMUNGKAAN 19:24

Tompu ma dipaijur Tuhan udan barerang na marapi tu Sodom dohot Gomora

1 RAJA-RAJA 19:18

Tapi malua do baenonKu pitu ribu halak di Israel, i ma angka halak na tongtong mangoloi Au jana na so jungada marsomba gana-ganaan ni Baal sanga mangummasa.”

2 RAJA-RAJA 19:4

Madung disuru raja Asur parpangkat na gincat laho pabilehon Debatanta na mangolu i. Nada binoto betak na ditangihon Tuhan Debatamu do habilean i jana uhumanku halahi na mandokkon i. Hara ni i, tangiangkon ma jolo tu Debata angka halak hita na mangolu i dope.”

JESAYA 1:8

Hum Jerusalem noma na tinggal, i pe laing na hona hobuk ma i na so margeldok, songon sopo di kobun anggur sanga songon undung-undung di kobun ancimun.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 11:16

Dapot halak Israel na teba i ma dalan godang laho ruar sian Asur, songon na masa di hatiha ni ompu-ompu ni halahi ruar sian Mesir.

JESAYA 17:6

Tarsongon zetun na abis diputik batuna, hum sada dua na tinggal di puncutna i jana adong sanga na piga di dangka na toruk-toruk, laing songon i ma di Israel, saotik sajo do halak na malua. Au, Tuhan, Debata ni Israel, madung mandokkon i.”

JESAYA 24:13

Songon i ma na giot masa di tano on sudena di ganop bangso. Laing sarupa ma pangalahona di masa ni panen, di na mambuat batu ni zetun lopus abis dohot batu ni anggur na parpudi diputik sian bonana.

JESAYA 24:6

I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

JESAYA 65:8

Songon on do pandok ni Tuhan, “Nada ambungkonon batu ni anggur na maraek dope, tapi dibaen do gabe i aek ni anggur. Songon i muse do bangsongKu, nada pasidungonKu. PaluaonKu do sanga ise na mangoloi Au.”

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

ANDUNG 3:22

Hot do manongtong holong dohot asi ni roha ni Tuhan,

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

JEHESKIEL 14:22

Sugari rupani adong na luncat jana tarpaluasa angka dakdanakna, parrohahon hamu ma muda ro halahi tu hamu. Ligi hamu ma sanga na bia jahat ni halahi, jadi gabe botoon ni bangsongKi ma bahaso na tama do uhumanKu Jerusalem.

JEHESKIEL 6:8

Adong do saotik sian halahi sipaluaonKu sian panyambolan i, tapi paserahon do halahi di tonga-tonga ni angka bangso.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

SURAT NI SI PAULUS TU PARLAGUTAN ROM 9:29

Didok si Jesaya muse dope songon on, “Sugari sura inda ditadingkon Debata Na Markuaso i angka pomparan di hita, angkon songon Sodom dohot Gomora hita.”

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

HALUMBAAN 11:8

Jana payak ma bangke ni halahi di dalan godang na di kota na godang i, mangihutkon partondion digoar do i kota Sodom dohot Mesir, jana disi do Tuhan diparsilangkon halahi.