JESAYA 1:8 - BIBEL JAMITA NA DENGGAN

⁸ Hum Jerusalem noma na tinggal, i pe laing na hona hobuk ma i na so margeldok, songon sopo di kobun anggur sanga songon undung-undung di kobun ancimun.

JESAYA 1:8 ပူးပေါင်းရင်းမြစ်များ

JOB 27:18

Songon asar ni tamboung na mura sego do bagas ni parjahat, parsantongkinan sajo do i songon sopo-sopo ni halak panjago.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 10:32

Di kota Nob ma sadari on musu i, jana disi ma halahi mamohul tenjuna maradopkon Dolok Sion tu kota Jerusalem.

JESAYA 29:3

BaenonKu noma undung-undungKu di sude luat ni kota i giot mamorangi ho, jana laho mambuat inganan-inganan panjago laho mamata-mata i ho, jana pajongjongonKu ma angka kandang manghobuk ho.

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JESAYA 4:4

Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

JESAYA 49:21

Jadi gabe dokkononmu ma di bagasan rohamu, “Ise dehe na manubuhon on di au? Nada he na so adong do dakdanakku jana na so bisa do au manubuhon anak dioban tu habuangan jana dipasimbil? Tapi angka dakdanak on, ise dehe na pagodangkon halahi? Satutuna, na punjung do sasada au, tapi halahon sian dia dehe marroan?”

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JESAYA 8:8

Masuhan ni halahi ma Juda songon aek magodang na mangalantap jabat liput abara jana mambaen bonom sasudena; jana habongna na mangirbang i ma manutupi sude luatmu; ale Immanuel!”

JEREMIA 4:17

jana hobuhon ni halahi ma Jerusalem songon halak na manjago ladang. Patunda ni na mangalo ma Juda maradopkon Tuhan umbaen na tarjadi sudena i. Madung didok Tuhan songon i.

JEREMIA 6:2

Sarupo dehe lakna boru Sion songon padang na di hajopkon ni roha,

ANDUNG 2:1

Di bagasan murukNa do dibaen Tuhan, dilingkup Ia Sion dohot hagolapan. Hagodangan ni Israel na salangit i, madung disampakkon Ia tu portibi. Taran di parmuruk ni Tuhan, bagasNia na di Sion i pe nada diSia marhaporluan.

ANDUNG 2:6

BagasNia sandiri pe na dung dironcohon Ia do; lupa dibaen Ia halak di Sion tu Ari Sabat dohot tu ari pesta. Hara ni santakna muruk ni Tuhan, malim pe dohot raja nada be niakuan.

ZAKARIA 2:10

Didok Tuhan ma, “Marende ma hamu marjop ni roha ale halak na maringanan di Jerusalem! Maringanan noma Au di tonga-tongamunu!”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

JOHANNES 12:15

“Ulang ho mabiar, ale boru kota Sion! Ligi ma Rajamu ro, mangalombut sada halode jara-jara!”