JESAYA 1:7 - BIBEL JAMITA NA DENGGAN

⁷ Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

JESAYA 1:7 ပူးပေါင်းရင်းမြစ်များ

2 JUJUR TAON 28:5

Hara ni na mardosa Raja Ahas, gabe dipadiar Tuhan Debatania ma ia ditaluhon raja ni Siria na maroban muse bahat halak Juda gabe taban tu Damaskus. Laing dipadiar Tuhan muse ma ia ditaluhon Raja Pekah anak ni si Remalya na sian Israel, na mamunu 120.000 halak parajurit ni Juda angka na garang di bagasan sadari. Dipadiar Tuhan, Debata ni ompu ni halahi i do sudena i tarjadi, dibaen nada dipardulihon rayat ni Juda be Tuhan.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

MASMUR 107:39

Dompak dipabile jana ditaluhon bangso ni Debata, mangkohom hara ni parhancitan dohot hasusaan,

MASMUR 109:11

Padiar ma disita angka parsingir sinadonganna, jana suha ni halolojana pe dirampas halak na asing ma.

JESAYA 1:8

Hum Jerusalem noma na tinggal, i pe laing na hona hobuk ma i na so margeldok, songon sopo di kobun anggur sanga songon undung-undung di kobun ancimun.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 34:9

Maruba ma angka batang aek ni Edom gabe aspal, jana tanona i gabe barerang. Ujungna gara ma sude luat i songon aspal.

JESAYA 49:19

Tanomu na mamolngit hara ni na dung maronco, saonnari masompittu di na mangingani ho. Nada tuk inganan di halahi sudena, na giot manginganisa. Angke madung kehe dao sian ho, halahi na mambaen sangkap manyegohon ho.

JESAYA 5:17

Dung i angka biri-biri angkon manjampali di si songon di padangna sandiri jana angka hambeng manjalahi sipanganonna di bagasan ronco-ronco ni tembok ni halak na kayo.

JESAYA 5:9

Hubege do didok Tuhan Na Markuaso i, “Anggo angka bagas na godang-godang jana na jeges-jeges on, marumar noma i sudena nada adong be manginganisa.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JESAYA 60:15

Nada be ho tadingkonon jana hagigian, nada padiaron mangalungun. Jeges jana tarbarita ho Hubaen sapanjangna, inganan hamogaan sapanjangna.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JESAYA 9:18

Songon api na gara mangankon ramba dohot potpot na marduri songon i do hajahatan ni bangso i. Songon parmosok ni harangan do pargarana i martimbual timusna i.

JESAYA 9:5

Sipatu ni tentara na mangolat dohot bajuna na margulu mudar, gabe bagian ni api lopus puntung sasudena.

JEREMIA 2:15

Marngaur musuna i songon singa, gariang jana rumar tanona i dibaensa, angka kotana abis hona surbu, dipadiar mamolngit jana gabe lobu.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

JEREMIA 6:8

O hamu halak Jerusalem gabe pangajaran ma nian tu hamu sude hasusaan i! Ulang jabat Hutadingkon hamu jana kotamunu i nada diingani halak.”

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

ANDUNG 5:2

Madabu tu tangan ni halak sileban do tean-teanannami, diingani halak na asing angka bagasnami.

JEHESKIEL 25:4

Hara ni i, padiaronKu ma hamu ditaluhon angka marga-marga ni bangso na sian halongonan Habincaran. Pajongjongon ni halahi ma angka undung-undung di tanomunu lalu tinggal disi maringanan. Papanganan ni halahi ma angka parbatu ni suan-suananmunu jana inumonna susu ni pahan-pahananmunu.

JEHESKIEL 30:12

PahiangonKu ma Batang aek Nil jana pasahatonKu ma Mesir sudena tu angka halak parjahat. SuruhononKu ma angka halak sileban mangabisi sude luat i. Au Tuhan, madung mandok songon i.”

HOSEA 7:9

Hape na so pamotoan ni halahi, mago do hagogoan ni halahi hara ni hasadaan ni tahi ni halahi dohot angka bangso-bangso i. Donok noma ajal ni halahi, hape nada diboto halahi.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

HAMALIMON 26:34

Apala di hatiha i ma sude tanomu na so diloas ho maradian, gabe tutu maradian. Dompak di bagasan habuangan hamu tu luat ni musumu, tarulang ma tanomu. Marhite na songon i ma maradian tano i.

MIKA 5:11

Hulantuk sude angka ajimatmu jana Hubonom sude angka datumu.

MIKA 6:13

Saonnari pungkaonKu ma mamotuk dohot manyarsarkon hamu hara ni angka dosamunu i.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:43

Mur markuaso ma halak sileban na maringanan di tanomunu, hape anggo kuasomunu mur tu murakna.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.