JESAYA 1:6 - BIBEL JAMITA NA DENGGAN

⁶ Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JESAYA 1:6 ပူးပေါင်းရင်းမြစ်များ

2 SAMUEL 14:25

Tarpuji do si Absalom songon halak na jumeges di sandok Israel. Nada adong halak na jumeges be ulang ia. Sian palakpak ni patnia lopus tu ambubu ni ulunia nada adong tihasna.

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

MASMUR 77:2

Dompak di hasusaan pio-pio do au tu Tuhan. Sasaborngin huangkat tanganku di na martangiang, hape nada tarapoi anggo rohangku di bagasan.

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 30:12

Satutuna, songon on do didok Tuhan: “Santak do hancit ni nyaemu, nada tarpamalum bugangmu.

JEREMIA 30:15

Ulang be humolos hara ni angka bugangmu angke na so siaropon ni roha be ho malum. Songon i ma baenonKu hona uhum hamu hara ni bahat ni dosamu dohot godang hasalaanmu.

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JEREMIA 6:7

Songon mual na sai paruarkon aek na lan, songon i do kota i sai tongtong parohon hajahatan. Hum barita na mamparkanciti dohot na manyegohon sajo do na Hubege sian kota i; bugang dohot nyae noma Hupaida-ida di sude inganan.

NAHUM 3:19

Nada haubatan be gasamu, angka bugangmu pe nada tarpamalum be. Martopap be marjop ni roha sude halak na umbege hasesegomu. Angke madung sude halak marhancit patunda ni hajahatanmu na so marujung i.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 9:12

Dibege Jesus do na nisapaan ni halahi i gabe dialusi Ia ma, “Inda adong guna ni pangubati di na torkis. Di na marnyae do i.

LUKAS 10:34

Dipadonok ia ma tu bayo i, dung i dibaen ia ma miak dohot anggur tu bugang ni bayo i, jana dibaluti ia ma na mabugang i. Dung i dipajuguk ia ma bayo i tu halodenia sandiri, laho maroban tu bagas parbornginan, disi ma dipature-ture ia.