JESAYA 1:3 - BIBEL JAMITA NA DENGGAN

³ Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JESAYA 1:3 ပူးပေါင်းရင်းမြစ်များ

MASMUR 94:8

Pardiatehon ma, o hamu angka jolma na oto! Andigan dope hamu marsiajar mamake pikiranmi?

PODA 28:5

Nada diastui halak na so hasaya hatigoran, tangkas sajo do i diastui halak na manyomba Tuhan.

PODA 6:6

Ale ho na losok, kehe ma ho marsiajar tu porkis; parrohahon ma pambaenanna i.

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 42:20

O Israel, bahat do nian na niidamu, hape so diparrohahon ho, marbuka do nian pinggolmu, hape na so marbinege do.”

JESAYA 44:18

Na santak do oto ni angka jolma na songon i. Na nitutup ni halahi do mata dohot roha ni halahi gabe nada diastui halahi sanga na aha.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

JESAYA 5:13

Hara ni i, toguon noma hamu kehe songon na tartaban. Mate tangkuraparon dohot manguas ma angka pamimpin dohot rayat.

JESAYA 56:11

Songon anjing na songkal do halahi na so habutongan. Nada adong pikiran ni angka pamimpin i. Marsibaen roha-rohana do halahi jana marsijalahi untung tu dirina be.

JEREMIA 10:14

Marnida sudena i, mamoto ma jolma, na oto do hape ia jana na soada hapistaranna. Maila ma angka na mambaen patung angke na so marguna jana na so marhosa do gana-ganaan na nipaulina.

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

JEREMIA 35:16

Pomparan ni si Jonadab patu do mangoloi parenta ni ompu na umporpar halahi, hape anggo hamu nada ra mangoloi tu Au.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

JEREMIA 8:7

Unggas sibarung pe diboto do hatihana mulak; hatutu, layang-layang dohot pincala pe diboto do hatihana pinda inganan. Hape anggo hamu, bangsongKu, nada diboto hamu angka tona na Hulehen di hamu.

JEHESKIEL 16:30

Didok Tuhan Debata i ma, “Madung dipambaeni ho sudena i songon dadaboru parhamainan na so umboto hahaila.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

2 PETRUS 3:5

Sangajo na so ra do halahi umbotosa paboa na nitompa ni Debata do langit dohot tano on narobi markite-hite hata ni Debata; tano on pe sian aek do ditompa jana mardongan aek;