JESAYA 1:29 - BIBEL JAMITA NA DENGGAN

²⁹ Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

JESAYA 1:29 ပူးပေါင်းရင်းမြစ်များ

JESAYA 66:17

Didok Tuhan, “Madung donok hatiha panguhumna di halak na paiaskon dirina dohot na mudur-udur tu kobun ni angka debata laho marsomba. Madung singkop uhumanKu di angka halak na giot mangan juhut babi, monci dohot sipanganon na asing i na mambaen magigi.

JESAYA 65:3

Sai torus do halahi mambaen muruk Au. Hara ni na mamelehon haul di kobun tu angka debata jana manutungi hamonyan di angka langgatan na disi.

JESAYA 57:5

Ale angka halak na matutung dibaen hagiot ni daging donok tu angka hayu parbeguan, ditoru ni hayu na rimbun, ale angka halak na manyambol dakdanak di rura-rura, di bagasan holang-holang ni dolok batu.

HOSEA 4:13

Di angka inganan parsombaan ni gana-ganaan di puncu ni angka tor dihaulkon hamu do haul jana ditutung hamu dupa di toru ni angka hayu na godang jana na rumbun disi hara ni na laung inganan i. Tapi aha do akibatna? Gabe panggampang do angka borumunu jana parumaenmunu gabe dadaboru parhamainan!

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

HOSEA 14:8

Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

JEHESKIEL 36:31

Taringot ma rohamunu tu pangalaho na jat dohot pambaenanmunu na so patut i, dung i gabe sobalan ma hamu di dirimunu hara ni angka dosa dohot hagigian na nibaenmunu i.

JEHESKIEL 6:13

Marragean ma angka bangso di antara ni angka gana-ganaan i dohot humaliang ni angka langgatan i, marserak di ganop dolok na gincat dohot di puncu ni ganop dolok, di toru ni ganop hayu na rumbun dohot di ganop bona ni hayu na godang; pendekna, sanga di dia halahi manutung haul tu gana-ganaan ni halahi. Jadi botoon ni ganop jolma ma, Au do Tuhan.

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JESAYA 45:16

Halak na mambaen patung sisombaon, pailaon do i jana palayason.

JESAYA 31:7

Dapot do hatiha ni i, ambungkononmunu noma angka patung gana-ganaanmunu na sian perak dohot sere na mambaen hamu gabe mardosa.

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

HOSEA 4:19

Jadi gabe mago ma halahi songon na niombus ni alogo. Maila ma halahi hara ni angka haul na nihaulkon ni halahi tu angka debata.