JESAYA 1:13 - BIBEL JAMITA NA DENGGAN

^13-14 Parcuma do diparobani hamu haul i sude. Gialan Au manganggo uap ni hamonyan na nitutungmunu i. Goyak rohangKu jana magigi Au paida-ida hamu manghagodangkon Bulan Na Imbaru, angka Ari Sabat dohot angka ari pesta maradu sude angka parlagutan parugamoan. Sude do i dipahodar hamu dohot angka dosamunu jana gabe boban sitanggunganKu; maloja Au mamorsan i.

JESAYA 1:13 ပူးပေါင်းရင်းမြစ်များ

2 RAJA-RAJA 4:23

“Biasi ingkon sai saonnari ho kehe?” ning halaklahinia i manyapai. “Nada Ari Sabat da sadari on, jana nada Ari Pesta Bulan Na Imbaru.” “Nada pola na bia,” ning ia.

1 JUJUR TAON 23:31

bope bagi na sadihari muda adong haul na ditutung di Tuhan di Ari Sabat, di Ari Pesta Bulan Na Imbaru dohot di angka ari pesta na asing i. Laing dibaen muse dope aturanna taringot tu bahat ni halak Levi sanoli markarejo. Ditugaskon ma halak Levi anso sai tongtong manyomba tu Tuhan.

MASMUR 78:40

Jotjotna i antong halahi mangalo tuSia, pahancit rohaNia di padang halongonan.

HARURUAR 12:16

Di ari parjolo dohot di ari papituhon, angkon marlagut ma hamu maribadat. Di ari i nada tola adong markarejo hum saotik pe. Hum pasingkop panganon do tola si karejohononmunu.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 7:14

“Madung pasahat haul au sadari on, laing di bagas dope juhut ni haul i.

JESAYA 66:23

Ganop Bulan Na Imbaru, ganop Ari Sabat, marroan ma angka jolma sian ganop bangso mardongan sangap, laho manyomba Au di Jerusalem on.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

ANDUNG 2:6

BagasNia sandiri pe na dung dironcohon Ia do; lupa dibaen Ia halak di Sion tu Ari Sabat dohot tu ari pesta. Hara ni santakna muruk ni Tuhan, malim pe dohot raja nada be niakuan.

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.

JOEL 1:14

Parentahon bangsomi anso puaso, patupa hamu ma sada ari parpunguan bolon! Ontang ma angka pamimpin maradu hatobangonna maradu sude angka na maringanan di luat on, anso marroan tu Bagas Ni Tuhan Debata, laho martangiang jana pio-pio mangido tolong tuSia.

JOEL 2:15

Ombus ma sarune di Sion, di dolok ni Debata, parentahon rayatmi anso marpuaso; patupa muse sada ari na godang parpunguanna.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

BILANGAN 10:2

“Baen ma dua sarune sian perak na nitopa. Pake ma i marpio jolma i marlagut sanga manyuru mardalan.

MATEUS 15:9

Inda adong gunana disomba halahi Au, harana angka aturan ni jolma do diajarhon halahi!’ ”

LUKAS 11:42

Marjaya ma hamu angka halak Parise, dibaen dilehen hamu do parsampuluan sian angka suan-suanan na menek, inggu dohot ragam-ragaman ni simarata, tapi dilaosi hamu do tona dohot holong ni roha ni Debata. Angkon sikarejohonon do i, tapi ulang nitinggalkon na asing i.

1 KORINTUS 11:17

Taringot tu na giot dokkononku, nada hupuji hamu. Marlagut pe hamu, nada adong gunana tapi mur jatjat do.

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

PILIPPI 1:15

Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.