JESAYA 1:11 - BIBEL JAMITA NA DENGGAN

¹¹ Didok Tuhan do, “Diambang hamu do lakna jop ma rohangKu hara ni sude haul na sai nihaulkonmunu i tu Au? Madung magigi Au mida biri-biri haulmunu na nitutung i dohot di tabo-tabo ni anak ni lombu i. Nada ringkot rohangKu mida mudar ni lombu jantan, biri-biri dohot hambeng i.

JESAYA 1:11 ပူးပေါင်းရင်းမြစ်များ

MASMUR 40:6

Haul sipanganon na niparade nada por rohaMu disi haul hasesaan ni dosa nada diigil rohaMu i. Hape madung dilehen Ho simanangingku na tarbaen umbege soraMu.

MASMUR 50:8

Nada hara ni haulmunu i umbaen na Huuhumi hamu; sai di jolongKu do anggo haul i na nitutungmunu.

MASMUR 51:16

Haul na nisambol nada tabo di pangkilalaanMu; sugari pe huhaulkon haul situtungon, nada jop rohaMu.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

JESAYA 58:2

Dijalahi halahi do Au ganop ari, jana marpor ni roha giot mananda nasa dalanKu. Songon bangso na mangkarejohon na tutu dohot na so maninggalkon aturan ni Debatana disapai halahi do Au taringot tu aturan na tigor, jop do roha ni halahi mangadop tu Debata.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEREMIA 7:21

Didok Tuhan Na Markuaso, Debata ni Israel, “Tambahon ma haul situtungonmu tu haul na tola panganon jana pangan ma sudena i!

HOSEA 6:6

GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

AMOS 4:5

Datdati hamu ma na manghaulkon roti mandok tarimakasi tu Au, jana toruskon hamu ma mamburas paboa na dung dioban hamu tamba-tamba ni haulmunu! Nada he songon i do diparhagiot rohamunu ale halak Israel?” Songon i ma didok Tuhan Debata.

AMOS 5:21

Didok Tuhan ma, “Goyak do rohangKu jana magigi Au mida angka pesta ni ugamomunu!

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

MIKA 6:7

Sonang dehe roha ni Tuhan muda huoban tuSia marribu-ribu biri-biri sanga miak zetun marlobi-lobi? Angkon haulkononku dehe tuSia anakku siangkaan baen tobus ni angka dosangku?

HAGAI 2:14

Dung i didok si Hagai ma mangulahi: Songon i muse tu bangso na di adopanKu, ninna Tuhan, sanga aha na nibaen ni tangan ni halahi dohot na nihaulkon ni halahi disi; na ramun do i.

ZAKARIA 7:5

“Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MATEUS 22:4

Dung i disuru raja i ma angka naposonia na asing. Ditonai raja i ma halahi: ‘Paboa hamu ma tu angka na niontang i: Madung singkop horja ni anakki. Angka lombu jantan dohot angka pahan-pahanan na jumeges madung nisambolan. Madung rade sude. Ro be ma hamu tu horja parbagason i!’

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.