JESAYA 1:1 - BIBEL JAMITA NA DENGGAN

¹ Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 1:1 ပူးပေါင်းရင်းမြစ်များ

2 RAJA-RAJA 15:1

Di taon padua pulu pituhon mamarenta Raja Jerobeam II di Israel gabe raja ma si Usia anak ni si Amasia di Juda.

2 RAJA-RAJA 15:13

Di taon patolu pulu sambilankon mamarenta Raja Usia di Juda, gabe raja ma si Salum di Israel. Hum sabulan do ia mamarenta di Samaria

2 RAJA-RAJA 15:32

Di taon paduahon mamarenta Raja Pekah anak ni si Remalia di Israel, gabe raja ma si Jotam anak ni si Usia di Juda.

2 RAJA-RAJA 15:7

Jumolo ma Raja Usia jana dikuburkon di kuburan ni raja-raja di Kota Ni si Daud. Anaknia si Jotam ma gabe raja manggonti ia.

2 RAJA-RAJA 18:1

Di taon patoluhon mamarenta Raja Hosea anak ni si Ela di Israel, gabe raja ma si Hiskia anak ni si Ahas di Juda.

2 RAJA-RAJA 19:2

Dung i disuru ia ma si Elyakim kapala ni bagas godang i, si Sebna sekretaris negara, dohot angka malim na matobang laho mandapotkon Panurirang Jesaya anak ni si Amos. Marabit goni muse ma halahi.

2 JUJUR TAON 26:1

Dung marujung ngolu ni si Amasia, sude ma rayat ni Juda mamili si Usia anaknia i gabe raja. Marumur onom bolas taon ma ia di hatiha i. Si Jekolia do inangnia, boru Jerusalem. Lima pulu dua taon lolotna mamarenta ia di Jerusalem. Ia do na mambuat kota Elot mangulahi dohot mambangunsa.

2 JUJUR TAON 26:22

Barita na asing salaho tu pamarentaon ni Raja Usia madung disuratkon Panurirang Jesaya anak ni si Amos.

2 JUJUR TAON 27:1

Marumur dua pulu lima taon ma si Jotam di na gabe raja ia, jana onom bolas taon honokna ia mamarenta di Jerusalem. Si Jerusa do goar ni inangnia boru ni si Zadok.

2 JUJUR TAON 28:1

Marumur dua pulu taon ma si Ahas di na gabe raja, jana onom bolas taon lolotna ia di Jerusalem mamarenta. Nada diihutkon ia tiruan na denggan na sian Raja Daud, tapi dipambaeni ia do na so pasonang roha ni Tuhan.

2 JUJUR TAON 29:33

Laing dihaulkon halahi muse dope onom ratus nari lombu jantan dohot tolu ribu biri-biri anso rap mangankon sudena na ro i.

MASMUR 89:19

Narobi di bagasan sada parnidaan, didok Ho tu naposoMu na setia, “Madung Huurupi sada halak na tongam, madung Hupatimbo sada halak sian tonga-tonga ni na bahat.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

JESAYA 2:1

On ma tona salaho tu Juda dohot Jerusalem na nijagit ni si Jesaya anak ni si Amos sian Debata:

JESAYA 20:2

Tolu taon taran so i, disuru Tuhan do si Jesaya anak ni si Amos mambuka solopna dohot abit goni na nipakenia. Dioloi ia do i, gabe mardalan ia marsae mara jana nada marsolop.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JESAYA 37:2

Dung i disuru ia ma si Elyakim kapala ni bagas godang i, si Sebna juru tulis negara dohot angka malim na matobang laho mandapotkon Panurirang Jesaya, anak ni si Amos. Halahi pe laing marabit goni do.

JESAYA 38:1

Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 6:1

Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

JESAYA 7:1

Di hatiha ni Raja Ahas anak ni si Jotam, pahompu ni si Usia na mamarenta di Juda, masa ma porang. Satahi ma si Resin raja ni Siria dohot si Pekah anak ni si Remalya raja ni Israel. Diporangi halahi ma Jerusalem, tapi nada tartaluhonsa.

JEREMIA 23:16

Tu halak Jerusalem, didok Tuhan Na Markuaso i ma, “Ulang patangi-tangi hamu hata na nidok ni angka panurirang na sai tongtong mangalehen arop ni roha na rumar. Tubu-tubu ni roha ni halahi sajo do na nipalalu ni halahi, nada tona sian Au.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

HOSEA 1:1

On ma tona na nilehen ni Tuhan tu si Hosea anak ni si Beeri taran marudut-udut Juda diparenta angka raja, si Usia, si Jotam, si Ahas, dohot si Hiskia, jana Israel diparenta si Jerobeam anak ni si Joas.

AMOS 1:1

Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.

AMOS 4:5

Datdati hamu ma na manghaulkon roti mandok tarimakasi tu Au, jana toruskon hamu ma mamburas paboa na dung dioban hamu tamba-tamba ni haulmunu! Nada he songon i do diparhagiot rohamunu ale halak Israel?” Songon i ma didok Tuhan Debata.

MIKA 1:1

Marasal sian sada kota na menek do si Mika i ma sian kota Moreset. Di na marudut-udut mamarenta di Juda Raja Jotam, Raja Ahas dohot Raja Hiskia, disi ma dilehen Tuhan tonaNia tu si Mika taringot tu Samaria dohot Jerusalem.

NAHUM 1:1

On ma tona ni Debata taringot tu Ninive. Marhite parnidaan do dipaboa tona i, i ma na dilehen tu si Nahum, sada halak panurirang sian Elkos.

HABAKUK 2:2

Dialusi Tuhan ma tu au songon on, “Tangkas ma suratkon tu batu lei, sanga aha na Hupaboa tu ho, anso mura siseon ni angka na mamolus.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 24:16

Ise na dilehen hamaloon manangihonsa angka hata na ro sian Debata? Ise tarbaen manjagit parbinotoan sian na guminjang, sian Tuhan? Huida di bagasan parnidaan, dohot mata na ungkap sada parnidaan sian Debata Na Sun Markuaso.

BILANGAN 24:4

Dilehen disia hamaloon manangihonsa, angka hata na marharoroan sian Debata. Di bagasan parnidaan huida dohot mata tarbuka sada hataridaan sian Debata na gok kuaso sasadaSa.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

BAENON NI ANGKA RASUL 10:17

Sapa-sapa ma si Petrus mamikiri sanga aha arti ni parnidaan i. Dompak marpikir-pikir ia, madung dapot halak na nisuru ni si Kornelius i hape bagas ni si Simon i jana madung di jolo ni pintu ni bagas i halahi jongjong.

BAENON NI ANGKA RASUL 26:19

“Jadi rajanami, Raja Agrippa, huhaburjuhon do tongtong laho mangoloi parnidaan na hujagit i sian Debata.

2 KORINTUS 12:1

Angkon manggodang do au, haru pe sudena i nada marguna, tapi giot palaluonku do parnidaan dohot halumbaan na hujagit sian Tuhan.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.