JEREMIA 9:9 - BIBEL JAMITA NA DENGGAN

⁹ Patut ma he nada Hudabuhon uhum tu halak na songon i? Patut ma he nada baloskononKu i? Tu bangsongKi songon i ma didokkon Tuhan!”

JEREMIA 9:9 ပူးပေါင်းရင်းမြစ်များ

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 57:6

Dipalagut hamu angka batu na landit sian inganan i, lalu disomba hamu ma i. Diduruskon hamu anggur jana dipelehon hamu gandum tusi. Diambang hamu lakna sonang rohangKu mida i?

JEREMIA 12:11

Olo, madung Huida halahi mambaen tanongKu inganan na lungun di adopanKu. Madung buang sudena jana nada adong be na marningot.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 4:25

Huida nada adong jolma, unggas pe madung marhabangan sudena.

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

HOSEA 4:3

Jadi hara ni i gabe mahiang ma luat on, jana mate noma sandok na mangolu disi. Susa ma sude ragam ni binatang na di awang-awang, na di darat dohot na di laut.”

JOEL 1:19

Tu Ho do au mangido tolong ale Tuhan, angke langa do padang na harsang jana halongonan; angka hayu pe mahiang marmatean mosok songon na niapian.

AMOS 5:1

Tangihon ma ale bangso Israel! Giot endehononKu sada ende arsak di hamu:

AMOS 5:2

Madung tinggang Israel boru na bujing i, nada lobassa jongjong be! Dipadiar ia bustang di tano, nada adong mangurupisa jongjong.