JEREMIA 9:8 - BIBEL JAMITA NA DENGGAN

⁸ Gok parmaraan do angka hata ni halahi, tarbaen mamatehon songon pana na marbisa. Hum gabus sajo do hata ni halahi. Tabo do hata ni halahi manarik tu roha, hape anggo satutuna na manaon sambil do halahi.

JEREMIA 9:8 ပူးပေါင်းရင်းမြစ်များ

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 12:3

Antak ma hata ni pangalancap, ale Tuhan, pahohom ma parpamangan na bidang.

MASMUR 120:3

Aha ma he na dilehen tu ho, jana aha ma he na dipatamba tu ho, ale pangicu?

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.

MASMUR 35:20

Nada pade pangkataion ni halahi; halak na mangkaholongi dame pe ditilakoi.

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

MASMUR 57:4

Dihobuk musu au, songon singa sipangan jolma halahi. Hujur dohot pana do ipon ni halahi, podang na tajom do dila ni halahi.

MASMUR 62:5

Hupasada do rohangku paintehon Debata, hum tuSia do au mararop roha.

MASMUR 64:8

PasidungonNia ma halahi hara ni hata ni halahi, mopeng-openg be ma sude na marnidasa.

PODA 25:18

Bolas do mamatehon hata-hata na dipatubu-tubu, songon podang, potuk-potuk sanga pana na tajom situtu.

JEREMIA 5:26

O hamu bangsongKu, adong do sian tonga-tongamunu angka halak na jahat. Songon halak na manaon sambil laho manangkup unggas, songon i ma ditaon halahi jorgong laho manangkup jolma.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

JEREMIA 9:3

jana hum na margabusi. Di sandok luat nada markuaso hatigoran, jana hageduhan noma hatontuanna. Didok Tuhan ma, “Nada marnamantak bangsongKi mambaen hajahatan, nada dioKu halahi Au Debata.”

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.