JEREMIA 9:4 - BIBEL JAMITA NA DENGGAN

⁴ Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEREMIA 9:4 ပူးပေါင်းရင်းမြစ်များ

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 25:18

Bolas do mamatehon hata-hata na dipatubu-tubu, songon podang, potuk-potuk sanga pana na tajom situtu.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

PODA 4:17

Hajahatan dohot hakejamon tarsongon sipanganon dohot inumon do di halahi.

PODA 6:16

Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

JESAYA 9:16

Madung dipalilu jana digaor angka pamimpin ni bangso i rayat i.

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

JEREMIA 9:8

Gok parmaraan do angka hata ni halahi, tarbaen mamatehon songon pana na marbisa. Hum gabus sajo do hata ni halahi. Tabo do hata ni halahi manarik tu roha, hape anggo satutuna na manaon sambil do halahi.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

MALEAKI 2:10

Inda he sisada ama hita on sude? Nada he sada do Debata na manompa hita on sude? Antong, biasi dehe marsiosean janji hita on? Biasi muse taose parjanjian na nibaen ni Debata dohot ompunta i?

MATEUS 10:17

Jago-jago ma hamu harana adong do halak na giot manangkup hamu laho maroban hamu pajongjongon di rapot pangadilan ni ugamo. Loncingon ni halahi ma hamu di angka bagas paribadatan.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

LUKAS 21:16

Jana dohot do natorasmunu, angka kahanggimunu, angka koummunu dohot angka ale-alemunu pasahat hamu. Matehonon ni halahi ma deba sian hamu.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.