JEREMIA 9:3 - BIBEL JAMITA NA DENGGAN

³ jana hum na margabusi. Di sandok luat nada markuaso hatigoran, jana hageduhan noma hatontuanna. Didok Tuhan ma, “Nada marnamantak bangsongKi mambaen hajahatan, nada dioKu halahi Au Debata.”

JEREMIA 9:3 ပူးပေါင်းရင်းမြစ်များ

PAMUNGKAAN 39:16

Di lambungnia ma dipayakkon ia juba i lopus mulak halaklahinia i.

PODA 12:5

Halak na jujur martahi na denggan; tapi halak na jahat sai giot paoto-otohon.

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JESAYA 3:5

Hara ni i angkon marsisosakan ma bangso i, na sahalak tu na sahalak nari, na sada tu na asing; na umposo angkon manyonggak amangna dohot inangna, jolma na layas tu jolma na sangap.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JESAYA 9:18

Songon api na gara mangankon ramba dohot potpot na marduri songon i do hajahatan ni bangso i. Songon parmosok ni harangan do pargarana i martimbual timusna i.

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 5:4

Gabe ning rohangku di bagasan, “Iale tehe, halak na menek do halak on, na so umboto bagi aha. Na bodo do pambaenan ni halahi, angke nada diastui halahi na nipangido ni Tuhan Debata ni halahi.

JEREMIA 5:5

Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

JEREMIA 9:8

Gok parmaraan do angka hata ni halahi, tarbaen mamatehon songon pana na marbisa. Hum gabus sajo do hata ni halahi. Tabo do hata ni halahi manarik tu roha, hape anggo satutuna na manaon sambil do halahi.

JEHESKIEL 8:13

Dung i didok Tuhan ma tu au, “Idaonmu dope halahi mambaen na jumorbut muse.”

DANIEL 11:27

Dung i rap juguk ma raja na dua i sameja jana rap mangan, tapi marroha na jahat do halahi na dua, jana marsigabusan ma halahi. Tapi sundat do sangkap ni halahi i dibaen nada dapot dope hatihana.

HAMALIMON 19:11

Ulang ho manangko, mangicu sanga margabus.

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

BAENON NI ANGKA RASUL 24:9

Dohot do halak Jahudi na disi i mangaduhon si Paulus jana diparhatutu halahi do hata na nidok ni si Tertulus i.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 3:13

Songon kuburan na talak noma aru-aru ni halahi. Mabaor sipaoto-oto sian dila ni halahi, jana bibir ni halahi marbisa songon ulok.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

PILIPPI 1:28

Angkon puluk do hamu tongtong; ulang mabiar hamu mida angka alomunu. I ma tandana di halahi, paboa na angkon talu halahi jana hamu ma na monang. Angke Debata sandiri do na mambaen hamu gabe monang.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

HAKIM-HAKIM 14:17

Salolot pesta na pitu ari i, torus ma tangis dadaboru ni si Simson i. Jana hara ni na sai murngis-urngis i, jadi di ari papituhon dipaboa si Simson ma astuan ni huling-kulingan i tusia. Dipaboa dadaborunia muse ma tu angka halak Pilistin i.

HAKIM-HAKIM 2:10

Dung i marujung muse ma ngolu ni na sangoncap i. Jana sundut na mangihut nada be mananda Tuhan, angke nada dialami halahi be sanga aha na nibaen ni Tuhan di bangso Israel.

1 SAMUEL 2:12

Na jahat situtu do angka anak ni si Eli. Nada diantureskon halahi Tuhan,