JEREMIA 9:24 - BIBEL JAMITA NA DENGGAN

²⁴ Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

JEREMIA 9:24 ပူးပေါင်းရင်းမြစ်များ

MASMUR 20:7

Adong do halak na mangasahon kareta porangna, adong muse na mangasahon kudona. Tapi nada songon i anggo hita; hita marsitiopan tu kuaso ni Tuhan, Debatanta.

MASMUR 34:2

Sai giot marmoga-moga do au hara ni karejoNia, anso nian dibege halak na hona sosak i jana marjop roha.

MASMUR 34:3

Pagodang ma Tuhan rap dohot au, beta ma rap hita pasangapkon goarNia.

MASMUR 44:8

Jadi sai tongtong noma pujionnami Ho, jana torus ma hami mandok tarimakasi tu Ho.

MASMUR 44:9

Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

MASMUR 51:1

Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

JESAYA 20:5

Tarhirim jana agoan arop ni roha ma sanga ise halak na mangasahon Sudan dohot na manggodangkon Mesir.

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 45:25

Hape anggo pomparan ni si Jakob paluaonKu ma, jana pujion ni halahi ma Au Tuhan.

JESAYA 61:8

Angke Tuhan do Au, “Huhaholongi do hatigoran jana magigi do Au mida na kejam dohot hajahatan. TumbasonKu bangso on marhite hadengganan, Hupudun janji na hot dohot halahi.

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

1 KORINTUS 1:31

Jadi hara ni i do, tarsurat di Buku Na Badia i, “Sanga ise na giot mamuji diri, angkon hara ni pambaenan ni Debata ma ia mamuji diri.”

2 KORINTUS 10:17

Di Buku Na Badia i tarsurat do, “Sanga ise na giot manggodang hara ni bagi aha, manggodang ma dibagasan Tuhan i. Tapi barang ise na marmoga, di bagasan Tuhan i ma ia marmoga.”

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

GALATIA 6:14

Tapi anggo au sanga na bia pe nada ra au mamuji-muji sanga aha, asing sian silang ni Tuhanta Jesus Kristus i. Angke hara ni silangNa i madung mate au maradopkon portibi on, jana portibi on pe, madung mate di au.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.