JEREMIA 9:23 - BIBEL JAMITA NA DENGGAN

²³ Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

JEREMIA 9:23 ပူးပေါင်းရင်းမြစ်များ

JOB 32:13

Bia dehe umbaen na nidokmunu na dung dapotan bisuk hamunu? Angke tarpaksa talu do hamu. Hum Debata do tu si Job na malo maralus.

JOB 41:15

Tanggurungna i sai songon parsusun ni parince rapet maradu togu, pirna songon batu.

MASMUR 33:5

Dihaholongi Ia do hasintongan dohot hatigoran, gok holong ni rohaNia na manongtong i do sude portibi.

MASMUR 34:3

Pagodang ma Tuhan rap dohot au, beta ma rap hita pasangapkon goarNia.

MASMUR 44:9

Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

PODA 3:5

Haporsayai ma Tuhan sian sude rohamu, jana ulang pangasahon pangartianmu sandiri.

PARJAMITA 2:19

Jana ise ma na umbotosa sanga na pistar ia sanga oto? Haru pe songon i laing ia ma na gabe panean di suha ni karejongku na dapot au salolot ngolungku di tano on parbatu ni halolojangku dohot habisuhonku. Jadi, i pe laing magopo do.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 10:8

Dipaginjang ia ma rohania, ning ia ma, “Raja do sude angka panglimangku!

JESAYA 20:5

Tarhirim jana agoan arop ni roha ma sanga ise halak na mangasahon Sudan dohot na manggodangkon Mesir.

JESAYA 47:10

Aman dihilala ho di bagasan hajahatan, dipikir ho parbuatanmi nada haidaan. Dililuhon habisuhon dohot parbinotoan i do ho, gabe didokkon ho ma di bagasan rohamu, ‘Nada adong na asing sian au.’

JESAYA 5:21

Marjaya ma halahi hara ni na diambang dirina na bisuk jana na lobi pistar.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

JEREMIA 48:14

Biasi didokkon halaklahi ni Moab, ‘Na gogo do hami, tentara na barani na dung tammat di bagasan parporangan?’

JEREMIA 48:7

Moab! Dipangasahon ho ma hagogoan dohot sinadonganmu. Hape anggo saonnari taluhonon noma ho. Obanon ma tu habuangan i ma Kamos debatami rap dohot angka malimna maradu angka na mora-mora.

JEREMIA 49:4

Biasi manggodang diri hamu ale angka na so bonar? Bia ma he dalanna pangasahononmunu gogomunu na dung murak i? Bia ma he umbaen na puluk hamu mandok, sahalak pe nada adong na barani mangaroro hamu?

JEHESKIEL 29:9

Gabe tano na mamolngit noma Mesir. Jadi gabe botoonmunu ma Au do Tuhan.” Didok Tuhan ma, “Ale raja ni Mesir! Hara ni na nidokmu ho nampuna Batang aek Nil jana didok ho, ho do na mambaen batang aek i

JEHESKIEL 7:19

Ambungkonon ni halahi noma sere dohot perak songon rompak-rompak di topi dalan angke anggo di ari disi dipalalu Tuhan gilap ni murukNa nada tarpalua sere dohot perak i be halahi, mur mangonjarkon halahi noma i tu bagasan dosa. Nada tarpargunahon halahi be i laho papuaskon hagiot sanga laho manggohi butuha ni halahi.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

MARKUS 10:24

Homang ma roha ni angka siseanNia i umbege na nidok ni Jesus i. Hape didok Jesus muse, “Hamu angka dakdanakKu! Tutu do i, na maol do laho masuk tu Harajaan Ni Debata!

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.

1 KORINTUS 1:31

Jadi hara ni i do, tarsurat di Buku Na Badia i, “Sanga ise na giot mamuji diri, angkon hara ni pambaenan ni Debata ma ia mamuji diri.”

PANGARATAION 8:17

Jadi, ulang diambang hamu hara ni pambaenan dohot gogomunu sandiri hamu gabe mamora.

PILIPPI 3:10

Hum on ma na nipangido ni rohangku; anso hutanda nian Kristus jana hurasoi nian kuaso na pangoluhon Ia sian hamatean i. Por do rohangku markancit dohot Ia jana gabe sarupa dohot Ia di pangalaho ni parmateNia.

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.

1 SAMUEL 17:42

Tapi disi diida ia si Daud jana dipamanat ia, martata ma si Goliat mangincahi hara ni posona dohot jogina si Daud.