JEREMIA 9:17 - BIBEL JAMITA NA DENGGAN

¹⁷ “Parrohahon ma! Pioma dadaboru na malo mangandung anso ro halahi, jana suruna marpio angka dadaboru na pistar anso ro halahi.

JEREMIA 9:17 ပူးပေါင်းရင်းမြစ်များ

2 JUJUR TAON 35:25

Dikarang Panurirang Jeremia ma sada ende andung di Raja Josia. Lopus tu sadari on dipake angka parende do ende i di Israel, halaklahi bope dadaboru di parningotan siluluton tu si Josia. Dipamasuk do ende i tu bagasan parpunguan ni angka ende andung.

JOB 3:8

O bayo datu dohot ho na malo pajinak naga padoha, dondoni ari i mardongan sumpa dohot bura.

PARJAMITA 12:5

Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

ANDUNG 2:5

Gabe tudos tu musu do Tuhan; dilibas Ia Israel lopus mardabuan. Dironcohon Ia angka benteng dohot bagas godang, jana diparo Ia pardangolan tu halak ni Juda.

JEHESKIEL 32:16

Sipaingot na koras on ma gabe ende siluluton. Endehonon ni angka dadaboru na sian bangso na asing ma i, patandahon siluluton tu Mesir, dohot sude rayatna i. Au Tuhan Debata madung mandok songon i.”

AMOS 5:1

Tangihon ma ale bangso Israel! Giot endehononKu sada ende arsak di hamu:

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

MATEUS 9:23

Dung i dipatorus Jesus ma tu bagas ni pamimpin ni bagas paribadatan i. Dung lalu Jesus di bagas i jana diida Ia angka na marsuling jana jolma na gaor,

MARKUS 5:38

Ujungna lalu ma halahi di bagas ni si Jairus pamimpin ni bagas paribadatan i. Diida Jesus ma, ma gaor disi, dibege Ia ma angka na tangis dohot na mangandungi.