JEREMIA 9:14 - BIBEL JAMITA NA DENGGAN

¹⁴ Jogal do roha ni halahi jana marsomba tu Baal do halahi songon na niajarkon ni angka ompu ni halahi.

JEREMIA 9:14 ပူးပေါင်းရင်းမြစ်များ

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

JOB 9:18

Umpe jabat humosa iba hum sangombas. Mur marrongoman dibaenSa tu iba hapaetan.

JEREMIA 11:8

jana Husuru halahi mangoloi parjanjianKi, hape nada ra halahi manangihon jana nada marpangoloion. Hara ni i, sandok uhuman na adong di bagasan parjanjian i madung Hutimpalkon tu halahi.”

JEREMIA 13:10

Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 2:8

Angka malim nada adong be na marsapa sanga di dia Au, Tuhanna. Angka na pajongjong uhum pe nada mamboto sanga ise Au. Angka na markuaso mangalo do tu Au. Mangasahon goar ni Baal mandok hata angka panurirang, jana marsomba gana-ganaan na so marguna i.”

JEREMIA 23:15

Didok Tuhan Na Markuaso i ma, “Na giot lehenonKu ma tu halahi suan-suanan na paet sipanganonna dohot rasun siinumonna, angke patunda ni halahi ma umbaen na so dipasangap angka jolma na di luat on sudena Au.”

JEREMIA 23:27

na mambaen bangsongKu mangkalupahon Au, marhite nipi na dicaritohon sian na sada tu na asing, songon ompu ni halahi na manghalupahon goarKu hara ni Baal.

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

ANDUNG 3:15

Hum hapaeton do dipadaihon Ia tu au baen panganon dohot inumonku.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,