JEREMIA 9:12 - BIBEL JAMITA NA DENGGAN

¹² Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEREMIA 9:12 ပူးပေါင်းရင်းမြစ်များ

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

JESAYA 42:23

Ise dehe sian hamu na ra mamasang pinggol na manangihon, na ra mamparrohahon jana manangihonsa tu hatiha na giot masa?

JEREMIA 23:10

Gok luatta on dohot jolma na markarosuan. Jahat do parngoluon ni halahi jana disalagunahon halahi do jabatanna. Hara ni bura i gabe malos ma ruput na di padang-padang jana sude luat on marhamarsahan.

JEREMIA 23:16

Tu halak Jerusalem, didok Tuhan Na Markuaso i ma, “Ulang patangi-tangi hamu hata na nidok ni angka panurirang na sai tongtong mangalehen arop ni roha na rumar. Tubu-tubu ni roha ni halahi sajo do na nipalalu ni halahi, nada tona sian Au.

JEREMIA 23:22

Sugari tutu nian adong diboto halahi na di bagasan rohangKu, tontu palaluon ni halahi do tu bangsongKu sandok hata na dung Hudokkon i. Gabe muba ma roha ni bangsongKi sian angka dosana dohot pangalahona na jahat i.

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

JEREMIA 9:20

Hudok ma, “Tangihon ma angka hata ni Tuhan, o hamu angka dadaboru sudena! Ajarkon ma tu angka dakdanakmu ende andung, tu angka donganmu ende ni siluluton.

JEHESKIEL 14:23

Jadi apulon ni halahi ma hamu, harana ligionmunu ma dalan ni halahi dohot pambaenanna, anso ditanda hamu na adong do dalanna tu Jerusalem, ninna Tuhan Debata.”

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

HOSEA 4:10

Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”

JOEL 1:11

Angka partani gabe maila parkobun anggur pe tama tangis! Angke mangabis gandum dohot eme darat taru hais, jana parbatu sibuaton pe madung dangis.

ZEPANYA 3:6

“Ma pola bahat angka bangso na mago Hubaen; Huroncohon angka tugu ni halahi na gincat i, Husegoi dalanna lopus nada adong be pamolus, madung dipagariang kota ni halahi nada adong be pangisina.”

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

PANGARATAION 32:29

Nada diastuisa biasi talu halahi; nada mamoto sude na masa i.

HALUMBAAN 1:3

Martua ma na mambasahon dohot na manangihon angka hata panurirangon on, jana na mangoloi angka na tarsurat di bagasanna, angke madung donok hatihana.