JEREMIA 8:8 - BIBEL JAMITA NA DENGGAN

⁸ Puluk do hamu antong mandok na malo hamu, jana na pistar salaho tu angka tona! Cubo hamu ma jolo mangaligi angka tona na Hulehen i madung dipauba angka panyurat na so tigor!

JEREMIA 8:8 ပူးပေါင်းရင်းမြစ်များ

JOB 11:12

Muda bisa halode manubuhon jolma, baru pe bisa halak na bodo gabe marbisuk.

JOB 12:20

Dihuntam Ia halak na nihaposan. Diendat Ia bisuk ni angka halak na tobang.

MASMUR 147:19

Dipabolkas Ia tonaNia tu bangsoNia, hatontuan dohot angka parenta tu bangso na nipiliNia.

PODA 17:6

Jagar-jagar ni halak na matobang, i ma anak maradu pahompuna; jagar-jagar ni dakdanak, i ma simatobangna.

JESAYA 43:27

Ompumu na parjolo i pe madung mardosa, angka raja parhatamunu pe madung mangalaosi.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 2:8

Angka malim nada adong be na marsapa sanga di dia Au, Tuhanna. Angka na pajongjong uhum pe nada mamboto sanga ise Au. Angka na markuaso mangalo do tu Au. Mangasahon goar ni Baal mandok hata angka panurirang, jana marsomba gana-ganaan na so marguna i.”

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 48:14

Biasi didokkon halaklahi ni Moab, ‘Na gogo do hami, tentara na barani na dung tammat di bagasan parporangan?’

HOSEA 8:12

Bahat sajo do Husuratkon pangajaran di halahi, hape ditulak halahi do sudena i angke nada adong dietong halahi hadomuan ni i dohot halahi.

MATEUS 15:6

hara ni i nada diwajibkon be pasangaponnia simatobangnia i. Hum hara ni adat hasomalan ni ompungmunu, gabe so mararga be hata ni Debata dibaen hamu.

JOHANNES 9:41

Dialusi Jesus ma, “Anggo sugari mapitung hamu, so na mardosa hamu. Tapi hara ni na nidokmunu i, ‘Marnida do hami,’ i ma patandahon laing na mardosa hamu.”

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.