JEREMIA 8:6 - BIBEL JAMITA NA DENGGAN

⁶ Madung marsitutu Au manangihon, hape nada tigor rohamunu mandok hata. Umpe adong sahalak sian hamu na manyolsoli pangalahona na jahat i; nada adong na mandok, ‘Aha do hasalaanku?’ Marsitondong dalanna sandiri be do hamu sude songon kudo na mangaroro tu parporangan.

JEREMIA 8:6 ပူးပေါင်းရင်းမြစ်များ

JOB 10:2

Ale Debata, ulang ma da au sai pasala. Patorang ma da dialo Ho iba hara ni aha.

JOB 34:31

Madung he dioku ho Job, dosamu tu Debata? Madung he marjanji ho na so mangulahi be mardosa?

JOB 34:32

Madung he dipangido ho anso dipatuduhon Ia salami? Madung he marsumpa ho na so datdatanmu mambaen songon i?

MASMUR 14:2

Sian banua ginjang ditatap Tuhan i do jolma, manjalaki na bisuk na ra manyomba Ia.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

JESAYA 59:16

Longang Ia marnida na so adong be halak mangurupi na niparkancitan. Gabe pakeonNia noma kuasoNia sandiri laho paluahon halahi jana lehenonNia hamonangan di halahi.

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

JEREMIA 3:5

Salolot ni lolotna dehe Ia giot muruk sanga mambaen hosom satorusna? Songon i ma didokkon ho tapi dipupu ho mangkarejohon na jat.”

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

JEHESKIEL 18:28

Madung diboto ia torang sude pangalahonia lalu mantak ia mambaen dosa. Jadi di na songon i nada mate be ia, tapi tongtong noma mangolu.

JEHESKIEL 22:30

Hujalahi do sian tonga-tonga ni halak Israel i na malo pajongjongkon tembok, sanga jongjong di angka inganan ni tembok na matolbak laho mampartahankon luat i muda ro Au mangaroncohon di bagasan parpiar ni murukKu; hape hum sahalak pe nada adong dapot au.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

ZEPANYA 3:7

Ning rohangKu ma, “Anggo saonnari pasti pasangapan ni bangsongKi ma Au, jana tangihononna sandok sipaingotKu. Hapengani, mur tu jotjotna do halahi mambaen jahat martimbangkon na salpu.

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

HAGAI 1:7

Songon on ma hata ni Tuhan Na Markuaso, “Pamanat hamu ma dirimunu!”

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.