JEREMIA 8:19 - BIBEL JAMITA NA DENGGAN

¹⁹ Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

JEREMIA 8:19 ပူးပေါင်းရင်းမြစ်များ

MASMUR 135:21

Puji ma Tuhan di Sion, di Jerusalem inganan parmiananNia. Puji ma Tuhan!

MASMUR 137:1

Di topi ni angka batang aek di Babel, disi do hita juguk huhut tangis muda hita ingot Sion.

MASMUR 146:10

Tuhan do Raja ro di salolot-lolotna. O Sion, markuaso do Debatamu ro di salolot-lolotna. Puji ma Tuhan!

MASMUR 149:2

Marjop ni roha ma ho ale Israel hara ni na manompa ho; marmoga-moga ma ale halak Sion hara ni Rajamu.

MASMUR 31:6

Goyak do rohaMu mida halak na marsomba tu gana-ganaan, tu Tuhan do au porsaya.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 13:5

Na marroan sian angka luat sihadaoan do i sian angka ujung ni tano on. Di hamuruhonNa i giot pusaon ni Tuhan do sude portibi on.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

JESAYA 39:3

Dung i ro ma Panurirang Jesaya mangadop tu Raja Hiskia lalu marsapa, “Isi ni dia dehe angka halak on? Aha didok halahi?” Dialusi si Hiskia ma, “Sian sihadaoan do halahi, sian Babel.”

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JEREMIA 32:30

Sian mulana do dibaen halak Israel dohot Juda na so sonang rohangKu. Sai dipagilap-gilap halahi do muruk ni rohangKu marhite hajahatan ni parbuatan ni halahi.

JEREMIA 7:19

Hape anggo satutuna nada rohangKu na nipahancit ni halahi, tapi dirina sandiri do, gabe maila ma halahi.

JEREMIA 8:20

Pio-pio ma halak Israel, “Madung salpu saonnari sabion dohot logo ni ari, hape hita laing nada dipalua.”

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

JOEL 3:21

BaloskononKu ma mudar ni halahi tu halak na mamunu halahi, di Sion do Tuhan maringanan.”

OBAJA 1:17

“Hape anggo di Dolok Sion, laing adong do na malua, jana gabe inganan hapunjunganKu ma dolok i. Jadi mulak ma pomparan ni si Jakob gabe tano pusako ni halahi ma i.

MIKA 4:9

Biasi mangangguhi ho tangis? Biasi marnyae ho songon ina na giot hipas? Adong he hara ni na so adong rajamunu jana marmatean angka panuturimu?

ZEPANYA 3:15

Angke madung mantak Tuhan manguhumi hamu; ma pola dipaorot Ia sude musumunu. Tuhan raja ni Israel maringanan di tonga-tongamunu; nada mabiar be ho maradopkon hasusaan.

ZAKARIA 2:9

“Satutuna giot laluhononKu ma tanganKu tu halahi, jana halahi gabe ditaban angka halak na di toru ni kuasona hian. Jadi botoonmunu ma bahaso Tuhan Na Markuaso i do na marsuru au.”

BAENON NI ANGKA RASUL 14:15

“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.