JEREMIA 8:16 - BIBEL JAMITA NA DENGGAN

¹⁶ Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

JEREMIA 8:16 ပူးပေါင်းရင်းမြစ်များ

JOB 39:20

Ho dehe lakna na marsurusa mangalumpat songon siapor, jana mambiar-biari halak dohot hosana na marlongos.

MASMUR 24:1

Tuhan do nampuna tano dohot pangisina, portibi dohot sude na manginganisa.

JEREMIA 10:25

Tu angka na manghudukkon Ho ma, palalu parpiar ni murukMu dohot tu na so marsomba tu joloMu. Angke madung diabisi halahi sude pomparan ni si Jakob jana na mangaroncohon tano ni halahi.

JEREMIA 3:24

Anggo na manyomba tu Baal, gana-ganaan na pailahon i hum na mambaen hamamago do i tu angka dakdanaknami dohot tu lombu maradu biri-biri, i ma sasudena na dung dikarejohon ni ompunami mamungka sian narobi.

JEREMIA 30:16

Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.

JEREMIA 30:5

“Madung Hubege parngair ni halak na humitir, angka sora ni halak na mabiar jana nada adong dame taringot tu hadamean.

JEREMIA 4:24

Hutailihon angka dolok na gincat munggal-unggal maradu gogo.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 47:3

Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEREMIA 51:29

Humutur jana manggulsak ma tano hara ni na Hudalankon sangkapKu laho mambaen Babel gabe inganan na harsang na so diingani jolma.

JEREMIA 6:23

I ma angka na marsinjatahon pana dohot podang; na jingar do halahi jana na so umboto ampun. Songon husasak ni laut na marombak, songon i ma sora ni parlojong ni kudo ni halahi na dipacu laho mamorangi Jerusalem.”

NAHUM 3:2

Bege ma parlisik ni loncing-loncing dohot parderek ni kareta, pamakpak ni kudo dohot panghutur ni kareta.

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

HAKIM-HAKIM 18:29

Dipauba halahi ma goar ni kota i gabe Dan mangihutkon goar ni ompu na umpompar halahi, i ma si Dan anak ni si Jakob.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

HAKIM-HAKIM 5:22

Matupakpak pat ni kudo maradu hipas marsiadu, mangaronggur tano i hara ni pardalanna na marpacu.