JEREMIA 8:14 - BIBEL JAMITA NA DENGGAN

¹⁴ “Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

JEREMIA 8:14 ပူးပေါင်းရင်းမြစ်များ

2 SAMUEL 20:6

Dung i didok raja i ma tu si Abisai, “Sumusa dope hita baenon ni si Seba ulang pado si Absalom. Antong anggo songon i, oban ma paranganki jana kojar ma si Seba, anso ulang jabat diingani ia angka kota na marbenteng jana malua sian hita.”

MASMUR 39:2

Manguntam au mangkohom, na denggan pe nada hudokkon, hape mur borat do pandondoni ni sitaonon.

MASMUR 69:21

Di hatiha male au, rasun do dilehen di au, di na manguas au, cuka do dilehen di au.

JESAYA 47:5

Tu Babel, “Juguk ma ho hohom jana masuk tu hagolapan, ale boru Kasdim! Nada tandaon be ho marhite goar: ‘Ratu ni angka bangso.’

JEREMIA 14:20

Ale Tuhan, hami oku do dosanami dohot dosa ni ompunami. Tutu madung mardosa hami tu Ho.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 23:15

Didok Tuhan Na Markuaso i ma, “Na giot lehenonKu ma tu halahi suan-suanan na paet sipanganonna dohot rasun siinumonna, angke patunda ni halahi ma umbaen na so dipasangap angka jolma na di luat on sudena Au.”

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 35:11

Tapi di na ro Raja Nebukadnesar mamorangi luat on, hami putuskon ma maporus sian tentara ni Babel dohot tentara ni Siria, jana mangungsi ma hami tu Jerusalem on. I ma dalanna umbaen na dison hami maringanan saonnari.”

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

JEREMIA 9:15

Hara ni i, tangihon hamu sanga aha na giot baenonKu, Au Tuhan Na Markuaso, Debata ni Israel na giot mangalehen suan-suanan na paet sipanganon dohot rasun siinumon.

ANDUNG 3:19

Maot-aot au jana marnyae; mamikirkon i songon na mangankon rasun na paet.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

AMOS 6:10

Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?” Jadi tarbege ma alus mandok, “Nada be!” Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”

HABAKUK 2:20

Di bagasan Bagasna na badia i do Tuhan; sai maringanan di jolonia ma nian jolma na satano on.

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

MATEUS 27:34

Dilehen halahi ma disi Jesus manginum anggur na marcampur pogu. Tapi dung didai Jesus anggur i, inda giot Ia manginumsa.

PANGARATAION 29:18

Jadi, jago ma hamu, anso ulang jabat adong sahalak pe sian tonga-tongamunu, halaklahi sanga dadaboru, marsasaripe sanga marga na jongjong dison na marbalik sian Tuhan Debatanta laho marsomba tu angka debata ni bangso na asing i. Tudos do pangalaho na songon i tu urat na tubu gabe suan-suanan na paet boti halalango.

PANGARATAION 32:32

Musu ni Israel na songon jahat ni Sodom dohot Gomora, suman tu bona ni anggur, paet boti halalango batuna