JEREMIA 8:13 - BIBEL JAMITA NA DENGGAN

¹³ “Por sajo do nian rohangKu palagutkon bangsongKu songon halak na palagutkon suha ni tanona; hape songon bona ni anggur dohot bona ni hayu ara na so marbatu do bangsongKu; dohot bulungna pe tehe ma pola marmalosan. Hara ni i ma umbaen na Hupaloas halak na leban ro jana mangarajai luat ni halahi.”

JEREMIA 8:13 ပူးပေါင်းရင်းမြစ်များ

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 14:15

Didok halahi ma mangasahon goarKu bahaso na so tondongon ni parporangan luat on sanga haleon, hape nada Husuru halahi mandok songon i. Au Tuhan, giot paboaonKu tu ho Jeremia, sanga aha na giot baenonKu tu angka panurirang na so Husuru i. BunuonKu ma halahi marhite porang dohot tangkuraparon.

JEREMIA 17:8

Songon hayu na di topi ni batang aek na nipangolu do halahi manjarar uratna lalu tu aek i. Nada mabiar ia logo ni ari sai rata do angka bulungna i. Haru pe nada ro udan, nada pola susa angke sai marparbatu do i.

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

HOSEA 2:12

MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis.

JOEL 1:7

Disegohon halahi do bona ni anggurta, bona ni ara pe diabiskonsa. Disangkuliti halahi bonana, gabe mamontar angka dangkana.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

HABAKUK 3:17

Haru pe nada marbatu bona ni ara jana bona ni anggur pe soada batuna, haru pe nada mandapot zetun di pambuatna dohot gandum di ladang nada marsuha, haru pe biri-biri marmatean sudena, jana nada marisi pahan-pahanan be barana.

HAGAI 1:11

Ma pola Huparo hahiangon tu tano dohot tu angka dolok-dolok, tu angka gandum dohot angka kobun anggur maradu tu angka kobun zetun, dohot tu sude na tubu di tano on, salang tu jolma pe tehe dohot pahan-pahanan maradu sude na nikarejohon ni tanganmunu.”

HAGAI 2:17

Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au.

MALEAKI 3:11

SonggakonKu ma angka siapor na sompor, anso ulang dipangabis ia angka suha ni tanomu jana ulang jabat nada marbatu angka bona ni anggurmu, ninna Tuhan Na Markuaso.

MATEUS 21:19

Diida Ia ma di topi dalan i sada hayu gala-gala. Kehe ma Ia tu gala-gala i, hape umpe sangkamata batuna pe nada adong diida Ia, hum bulungna sajo do. Gabe didok Jesus ma tu hayu i, “Nada tola be ho marbatu salolotna!” Manigor malos ma bona ni gala-gala i.

JAKOBUS 1:11

Muda dung bincar mataniari di panyoro ni milasna i, gabe malos ma duhut i, marurus ma bungana i jana mago muse ma dohot hajegesonna i. Laing songon i ma halak na kayo; magopu ma ia di na mandalankon karejona i.