JEREMIA 7:34 - BIBEL JAMITA NA DENGGAN

³⁴ Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

JEREMIA 7:34 ပူးပေါင်းရင်းမြစ်များ

JOB 3:7

Sai ulang ma adong na tubu di borngin i, jana ulang adong na tarbege sora na marmoga-moga.

MASMUR 78:63

Dipapangani api angka doli-doli ni halahi, gabe nada adong be mambuat angka bujing-bujing disi.

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JEREMIA 16:9

Tangihon tangkas sanga aha na giot dokkononKu tu ho. Au Tuhan Na Markuaso. AntahonKu ma sora jop ni roha dohot hamogaan dohot hariburan ni pesta ni na marbagas. Idaon ni angka jolma na mangolu saonnari do pangalaho i tarjadi.

JEREMIA 22:6

Anggo di Au santak do jeges ni bagas godang ni raja Juda on, songon jeges ni tano Gilead dohot angka Dolok Libanon, tapi baenonKu ma inganan i gabe songon padang halongonan na so niinganan ni halak.

JEREMIA 25:10

AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

JEREMIA 27:17

Ulang patangi-tangi hamu i. Manyora ma hamu tu raja ni Babel anso malua hamu. Aha ma he gunana maronco kota on?

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

JEREMIA 4:26

Huligi ma, tano na napu hian madung jadi padang halongonan, jana angka kotana madung maronco di jolo ni Tuhan di jolo ni rimasNa na marjilam-jilam. (

JEREMIA 4:27

Pandok ni Tuhan angkon gabe padang halongonan do sude luat on, tapi nada segohononNia.)

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

ANDUNG 5:14

Nada be marlagut angka na tobang-tobang di horbangan ni kota, musik pe nada tarbege be di tonga-tonga ni na poso.

JEHESKIEL 26:13

AntahonKu ma sude ende-endemu dohot musik hasapimu.

JEHESKIEL 7:11

Mur martamba hajahatan dibaen hakejamon. Sandok sinadongan, hagodangan dohot bungaran ni halahi abis noma i nada martanda.

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.

HOSEA 2:13

UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

MIKA 7:13

Tapi anggo tano on gabe gariang noma hara ni hajahatan ni halak na manginganisa.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”