JEREMIA 7:33 - BIBEL JAMITA NA DENGGAN

³³ Angka bangke i ma panganon ni unggas dohot binatang panyoro jana nada adong manyosaksa.

JEREMIA 7:33 ပူးပေါင်းရင်းမြစ်များ

JESAYA 18:6

Tadingkonon ma angka bangke ni tentarana i gabe sipanganon ni angka unggas dohot binatang panyoro. Papanganan ni angka unggas ma i dompak di logo ni ari jana di musim nonat gabe soroan ni binatang riar ma i.”

JEREMIA 12:9

Songon unggas na nisoro ni halihi na rongom do halahi. Piohon ma sude binatang harangan anso mardohotan pangabiskon halahi.

JEREMIA 14:16

Angka jolma na manjagit barita ni halahi i pe bunuonKu do songon na tu halahi i. Ambungkonon ma angka bangke ni halahi tu angka dalan na di Jerusalem jana nada adong na mananomsa. Songon i ma baenanKu tu halahi dohot dongan sabagasna maradu angka dakdanakna. Angkon baenonKu ma halahi manaonkon parbatu ni hajahatan ni halahi.”

JEREMIA 15:3

Au Tuhan, madung Hutontuhon opat pangalaho na jorbut giot masa tu halahi; marmatean ma halahi di parporangan, sarat-saraton ni anjing ma bangke ni halahi, papanganan ni unggas jana pangabison ni binatang panyoro.

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 22:19

Saraton ma si Joyakim jana sampakkononna tu balian ni pintu horbangan ni Jerusalem songon na nibaen ni halak tu bangke ni halode.”

JEREMIA 25:33

Anggo di ari i marpayahan ma angka bangke ni jolma na nimatehon ni Tuhan di sude sisik ni tano on. Nada nitangisan halahi, nada dioban muse laho mananomsa, tapi dipadiar do i di tano i sajo songon parpunguan ni rompak.

JEREMIA 34:20

PasahatonKu ma halahi tu musu na giot mamatehon halahi. Papanganan ni unggas ma bangke ni halahi dohot angka binatang panyoro.

JEREMIA 9:21

Ma pola masuk hamatean sian jandela, madung manyaroso tu bagasan bagas godang; disaroso angka dakdanak di angka dalan songon i muse angka na poso di alaman.

JEREMIA 9:22

Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”

JEHESKIEL 29:5

Dung i Hudanggurkon ma ho dohot ihan i sude tu parhorsihan. Ompas ma pamatangmi tu tano jana gampalang ma ho disi. Sahalak pe nada adong na manguburkon ho. LehenonKu ma pamatangmi di angka unggas dohot binatang na asing anso dipapangani.

JEHESKIEL 39:4

Mate ma si Gog rap dohot angka tentara maradu sude na mandongani ia di ginjang ni angka dolok ni Israel, jana lehenonKu ma angka bangke ni halahi i tu sandok unggas dohot binatang panyoro anso dipapangani.

PANGARATAION 28:26

Muda mate ho, marroan ma angka unggas dohot binatang panyoro jana papangananna ma bangkemunu, jana nada adong sahalak pe na mangayak angka binatang i.

PANGARATAION 8:20

Muda nada marpangoloion hamu tu Tuhan, hamu pe laing hona pusa muse do songon angka bangso na giot abiskononNia di jolo ni matamunu.”