JEREMIA 7:32 - BIBEL JAMITA NA DENGGAN

³² Hara ni i, dapot do hatihana nada goaron be inganan i Tofet sanga Rura Hinom, tapi goaron noma i Rura Panyambolan. Gabe kuburan ma tano i hara ni na so adong be inganan na asing.

JEREMIA 7:32 ပူးပေါင်းရင်းမြစ်များ

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

JEREMIA 19:11

Angkon dokkononku tu halahi na didokkon Tuhan Na Markuaso i songon on, “Giot sego-segoonKu ma bangso on dohot kota on lopus songon kendi na masarsar i na so tarpauli be mangulahi. Kuburkonon ni halak ma angka bangke ni halahi di Tofet, hara ni na so adong be inganan pananomanna na asing.

JEREMIA 19:13

Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

JEREMIA 19:2

anso rap hami kehe tu Rura Hinom mamolus sian Pintu Horbangan Beling. Angkon disi ma paboaonku tonaNia i.

JEREMIA 19:6

Jadi hara ni i dapot do i hatihana nada goaron be inganan on Tofet sanga Rura Hinom tapi Rura Panyambolan.

JEREMIA 31:40

Sude rura i, tanoman ni na mate i dohot inganan habuangan ni sirabun i, dohot sude kobun na di atas ni Batang aek Kidron lopus tu Horbangan kudo sabola Habincaran gabe badia ma i di Tuhan nada be rumpakkonon sanga roncohonon ni bagi ise kota i salolot-lolotna.”

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

JEHESKIEL 6:4

Parrumpakkonon ma angka langgatanna i jana partaporan angka pardupaanna. Bunuon ma sude jolma na disi di jolo ni gana-ganaanna i.

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.