JEREMIA 7:31 - BIBEL JAMITA NA DENGGAN

³¹ Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

JEREMIA 7:31 ပူးပေါင်းရင်းမြစ်များ

2 RAJA-RAJA 17:17

Dipelehon halahi do angka dakdanak ni halahi gabe haul situtungon tu debata. Mamake angka ajimet do halahi jana dipangido halahi angka panogu-noguon sian angka datu na marhadomuan tu angka begu. Sun do ringgas ni halahi mambaen angka pangalaho na nihagigihon ni Tuhan, mambaen muruk situtu Tuhan,

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

2 RAJA-RAJA 23:20

Sanga ise malim na so marsomba tu Debata, dibunu ia di ginjang ni angka langgatan inganan pamelean ni halahi hian. Jana di sude langgatan i, ditutungi si Josia angka holi-holi ni jolma. Dung i mulak ma ia tu Jerusalem.

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

2 JUJUR TAON 33:6

Dipelehon ia do angka dakdanaknia gabe haul situtungon di Rura Hinom. Dipadalan ia muse do pangalaho hadatuon, na martondung, aji, dohot na mangido panogu-noguon tu angka sumangot. Mardosa situtu do ia tu Tuhan jabat dipagurgur ia muruk ni Tuhan.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JESAYA 57:5

Ale angka halak na matutung dibaen hagiot ni daging donok tu angka hayu parbeguan, ditoru ni hayu na rimbun, ale angka halak na manyambol dakdanak di rura-rura, di bagasan holang-holang ni dolok batu.

JEREMIA 19:2

anso rap hami kehe tu Rura Hinom mamolus sian Pintu Horbangan Beling. Angkon disi ma paboaonku tonaNia i.

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 32:34

Mur hodar muse dope dibaen halahi bagas na dipajongjong baen inganan paribadatan tu Au, marhite na mamayakkon angka gana-ganaan na nihagigihon di inganan i.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEHESKIEL 16:20

Dung salpu i dipelehon ho muse ma angka dakdanakmu, halaklahi dohot dadaboru na ditubuhonmu di Au gabe haul tu angka gana-ganaan. Na diambang ho do parkaro na menek dope parkarosuanmon?

JEHESKIEL 20:26

Hupadiar noma halahi pahodar dirina marhite haul ni halahi sandiri, salang angka anak siangkaan ni halahi dipelehon halahi. Songon i ma Hubaen manguhumi halahi anso diboto halahi Au do Tuhan.

JEHESKIEL 20:31

Jana lopus tu sadari on pe dipahodar hamu do dirimunu marhite na maroban pelean dohot na manutungi angka dakdanakmunu baen haul tu angka gana-ganaan i. Antong laing puluk dope he hamu mangido panogu-noguon tu au? Hara ni Au na mangolu, Tuhan Debata, nada Huloas hamu mangido panogu-noguon sian Au.

HAMALIMON 18:21

Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.

MIKA 6:7

Sonang dehe roha ni Tuhan muda huoban tuSia marribu-ribu biri-biri sanga miak zetun marlobi-lobi? Angkon haulkononku dehe tuSia anakku siangkaan baen tobus ni angka dosangku?

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

PANGARATAION 17:3

hara ni na marsomba dohot mangoloi tu angka debata na asing, sanga pe tu mataniari, sanga tu bulan, sanga tu angka bintang, na maralo tu parenta ni Tuhan,

PANGARATAION 18:10

Ulang pelehon hamu angka dakdanakmunu di bagasan api di ginjang ni langgatanmunu. Ulang patola hamu bangsomunu gabe tukang ramal, manjalahi angka tanda-tanda, mamake jampi-jampi sanga

JOSUA 15:8

dung i manangkok mamolus Rura Hinom tu Selatan ni tor inganan hajongjongan ni Jerusalem kota ni angka halak Jebus. Sian i torus ma garis batas i tu ambubu ni tor i di Hasundutan ni Rura Hinom, di ujung Parutara ni Rura Refaim,