JEREMIA 7:30 - BIBEL JAMITA NA DENGGAN

³⁰ Mambaen hajahatan do halak Juda. Dibaen halahi do angka gana-ganaan ni halahi na Huhagigihon i di bagasan BagasKu, gabe hodar dibaen halahi.

JEREMIA 7:30 ပူးပေါင်းရင်းမြစ်များ

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

2 RAJA-RAJA 21:4

Madung didok Tuhan, Bagas Ni Debata do inganan paribadatan tuSia, hape disi muse noma dipajongjong ia angka langgatan laho manyomba angka debata.

2 RAJA-RAJA 21:7

Dibaen ia do gambar ni Dewi Asera di Bagas Ni Debata, hape nian anggo inganan i madung didok Tuhan tu si Daud dohot si Salomo anak ni si Daud i, “Di bagasan bagasKu na di Jerusalem on, na dung Hutodo sian luat na dua bolas sian angka marga ni Israel, angkon dison ma bangsongKu maribadat tu Au.

2 RAJA-RAJA 23:12

Angka langgatan na nipajongjong ni angka raja ni Juda di tarup ni bilik ni Raja Ahas, disego-sego. Songon i angka langgatan na nipajongjong ni Raja Manase di alaman ni Bagas Ni Debata na dua i, disego-sego do i jana diambungkon tu Rura Kidron.

2 JUJUR TAON 33:15

Dipaduru ia ma angka patung ni debata ni bangso na asing dohot angka gana-ganaan na nibaennia di Bagas Ni Tuhan. Dirorak ia ma angka langgatan ni gana-ganaan na adong di tor ni Bagas Ni Tuhan, dohot na di angka inganan na asing di Jerusalem. Dioban ia ma i sudena tu balian ni kota lalu diambungkon.

2 JUJUR TAON 33:3

Dibangun ia do mangulahi angka inganan parsombaan ni gana-ganaan na dung dironcohon ni si Hiskia amangnia i. Dibangun ia ma angka langgatan laho maribadat tu Baal, jana dibaen ia angka patung ni Debata Asera, jana disomba ia angka bintang.

2 JUJUR TAON 33:7

Dibaen ia do patung ni gana-ganaan di bagasan Bagas Ni Debata, hape nian na dung didok Debata do salaho tu Bagas i tu si Daud dohot si Salomo anakna i, “Jerusalem do na dung Hutodo sian sidua bolas luat ni marga-marga ni bangso Israel. Jana madung Huputuskon do bahaso angkon di bagasKu na di huta i do bangsongKu maribadat tu Au salolot-lolotna.

JESAYA 66:4

Jadi hara ni i, angka parmaraan na nihabiaran ni halahi, apala i ma ro mandondoni halahi sandiri. Angke dompak pio-pio Au, nada adong na mangalusi, jana dompak na manghatai Au, nada adong na manangihon. Tumabo do dihilala halahi mangalo Au dohot mambaen na jahat.”

JEREMIA 16:18

BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JEREMIA 23:11

Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEREMIA 32:34

Mur hodar muse dope dibaen halahi bagas na dipajongjong baen inganan paribadatan tu Au, marhite na mamayakkon angka gana-ganaan na nihagigihon di inganan i.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEHESKIEL 7:20

Anggo najolo godang do roha ni halahi hara ni simata ni halahi na jeges-jeges i, tapi dibaen dipake halahi do i laho pature angka gana-ganaan, na hagigian i, jadi dibaen Tuhan ma arta ni halahi i gabe pangalaho na jorbut.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”