JEREMIA 7:25 - BIBEL JAMITA NA DENGGAN

²⁵ Mamungka sian na haruar ompumunu sian Mesir lalu tu sadari on sai Husuru do angka naposongKu, angka panurirang tu hamu.

JEREMIA 7:25 ပူးပေါင်းရင်းမြစ်များ

2 JUJUR TAON 24:19

Disuru Tuhan ma angka panurirang laho manggorahon halahi anso mulak mangulahi tu Tuhan, hapengani nada ra rayat i manangihon.

2 JUJUR TAON 36:15

Marpupu do nian disuru Tuhan, Debata ni ompu ni halahi angka utusanNa laho paingotkon bangsoNa i, dibaen holong do rohaNia mida halahi dohot BagasNia i.

ESRA 9:7

Mamungka sian zaman ni angka ompunami lopus saonnari, sai mardosa do hami bangsoMon tu Ho. Patunda ni i ma umbaen na talu hami, angka rajanami dohot angka malimnami dibaen angka raja na asing i. Hona bunu hami, disamun dohot dihaldung gabe taban. Madung dipalayas hami marabis-abis, songon pangalaho na masa di ari sadari on.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

NEHEMIA 9:30

Sian taon tu taon sai sobar Ho paingotkonsa; marhite panurirang, didok TondiMu tu halahi. Hapengani ditutup bangsoMi do pinggolna, lalu dipasahat Ho ma tu angka bangso sude tanona.

JESAYA 5:4

Adong dope he ulaning na so Hubaen tu kobun anggurKi? Hape biasi ma angka na mancom batuna i jana nada denggan songon na niarop ni rohaniba?

JEREMIA 11:7

Dompak na Huoban ompu ni halahi ruar sian Mesir, torang do Hupaingot tu halahi anso marpangoloion tu Au. Lopus tu sadari on laing marpupu dope Hupaingot bangsongKi salaho tu pangalaho i,

JEREMIA 25:3

“Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEREMIA 25:4

Nada ra hamu manangihon sanga mamparrohahon, haru pe nian marpupu disuru Tuhan tu hamu angka panurirang, angka naposoNia.

JEREMIA 29:19

Tarjadi pe sudena i tu halahi hara ni na so ra do halahi mangihutkon tonangKu na sai torus Hupalalu tu halahi marhite angka panurirang, i ma angka naposongKi. Nada ra halahi mamparrohahon tonangKi.

JEREMIA 35:14

Diorai si Jonadab do pomparannia ulang minum anggur, jana dioloi halahi do larangan i. Lopus tu sadari on sahalak pe nada adong sian halahi na minum anggur. Hape Au marpupu torus mangkuling tu hamu, jana nada ra hamu manangihon.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

JEREMIA 7:13

Haru pe marpupu Au mandok hata tu hamu, na so ditangihon hamu do i. Sude do dosa i dipambaeni hamu, jana nada ra hamu mangalusi muda Hupiohon hamu.

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HOSEA 12:10

Tapi Au Tuhan, Debatamunu na maroban hamu haruar sian Mesir, baenonKu ma hamu mangulahi maringanan di angka bandar songon najolo di na Hudapotkon hamu di padang halongonan.

AMOS 2:11

Hupili do sian angka dakdanakmu gabe panurirang, dohot angka doli-dolimu gabe halak nasir. Nada he tutu songon i, ale halak Israel? Au Tuhan mandok songon i.

MALEAKI 3:7

Laing songon ompu na umpompar hamu najolo, songon i muse do hamu marbalik sian angka aturanKu jana nada dihaburjuhon hamu mandalankonsa. Mulak ma hamu tu Au, Au pe gabe mulak ma tu hamu. Hape disapai hamu dope, ‘Bia dehe baenonnami anso mulak hami tu Ho?’

LUKAS 11:49

Hara ni i didok habisukon ni Debata i ma, ‘Husuru ma angka panurirang dohot angka rasul tu halahi, jana deba sian angka panurirang dohot sian angka rasul i bunuon jana parkancitan ni halahi ma.’

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.