JEREMIA 7:21 - BIBEL JAMITA NA DENGGAN

²¹ Didok Tuhan Na Markuaso, Debata ni Israel, “Tambahon ma haul situtungonmu tu haul na tola panganon jana pangan ma sudena i!

JEREMIA 7:21 ပူးပေါင်းရင်းမြစ်များ

MASMUR 50:8

Nada hara ni haulmunu i umbaen na Huuhumi hamu; sai di jolongKu do anggo haul i na nitutungmunu.

JESAYA 43:23

Nada Hupaksa ho maroban bahat haul, nada Hususai ho marhite na mangido hamonyan. Hape nada dioban ho biri-biri baen haul situtungon, jana nada dihormati ho Au marhite parhaulan.

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEHESKIEL 33:25

Jadi hara ni i disuru Tuhan Debata i ma au palaluhon tonaNia on tu halahi, “Dipangan hamu do juhut na marmudar dope; disomba hamu gana-ganaan jana mamunu jolma hamu. Na puluk ma da hamu mandok hamu nampuna tano on.

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

PANGARATAION 12:27

Angka haul na abis ditutung dohot angka haul na nipangan juhutna, angkon haulkononmunu do i di ginjang ni langgatan ni Tuhan jana mudarna i niduruskon tu ginjang ni langgatan i.