JEREMIA 7:20 - BIBEL JAMITA NA DENGGAN

²⁰ Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEREMIA 7:20 ပူးပေါင်းရင်းမြစ်များ

2 RAJA-RAJA 22:17

Ditadingkon halahi do Au jana kehe halahi marsomba tu angka debata na asing. Pasunggul-sunggul murukKu do sude pambaenan ni halahi i. Muruk do Au tu Jerusalem jana nada ra mombun murukKi.

JESAYA 10:17

Debata Na Badia sinondang ni Israel, gabe songon jilam ni api na manutung abis sasudena di bagasan sadari, dohot ma i angka ramba na marduri i.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEREMIA 11:16

Jungada do Hugoari halahi bona ni zetun na rumbun, gok parbatuna na jeges. Hape anggo saonnari marhite sora na mangaronggur giot tipulkononKu ma sude rantingna i jana Hututungi angka bulungna i.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 14:16

Angka jolma na manjagit barita ni halahi i pe bunuonKu do songon na tu halahi i. Ambungkonon ma angka bangke ni halahi tu angka dalan na di Jerusalem jana nada adong na mananomsa. Songon i ma baenanKu tu halahi dohot dongan sabagasna maradu angka dakdanakna. Angkon baenonKu ma halahi manaonkon parbatu ni hajahatan ni halahi.”

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

JEREMIA 6:12

Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEREMIA 8:13

“Por sajo do nian rohangKu palagutkon bangsongKu songon halak na palagutkon suha ni tanona; hape songon bona ni anggur dohot bona ni hayu ara na so marbatu do bangsongKu; dohot bulungna pe tehe ma pola marmalosan. Hara ni i ma umbaen na Hupaloas halak na leban ro jana mangarajai luat ni halahi.”

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 22:22

Songon perak na nidakdak di parapian, laing songon i ma halahi lalaon di Jerusalem. Jadi gabe botoon ni halahi ma Au do Tuhan na dung palaluhon rimasKu tu halahi.”

JEHESKIEL 7:12

Ro ne ma hatihana, ari na pe madung donok! Nada manutung bagi aha sipanobusi dohot sipanggadis, angke lingkupon ni uhum ni Debata noma sude jolma.

JEHESKIEL 7:14

Mangkuling ma sarune, dung i markobas ma sude halak. Tapi sahalak pe nada adong na kehe tu galanggang ni parporangan, angke sude jolma do didondoni rimas ni Debata.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

ZEPANYA 1:2

Didok Tuhan ma, “AbiskononKu ma sandok na adong di tano on,

ZEPANYA 1:3

sude jolma dohot binatang sude unggas dohot ihan. PutusanKu noma sandok jolma manusia, sahalak pe nada paloasonKu be mangolu. Au Tuhan, madung mandok songon i.

ZAKARIA 7:12

Dipapir halahi do rohana lopus songon pir ni batu intan, anso ulang dibege halahi tona i dohot hata na nitongos ni Tuhan Na Markuaso marhite sian tondiNa, dohot marhite sian panurirang na jolo i. Hara ni i ma umbahen na ro rimas ni Tuhan.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

HALUMBAAN 14:10

painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i.