JEREMIA 6:7 - BIBEL JAMITA NA DENGGAN

⁷ Songon mual na sai paruarkon aek na lan, songon i do kota i sai tongtong parohon hajahatan. Hum barita na mamparkanciti dohot na manyegohon sajo do na Hubege sian kota i; bugang dohot nyae noma Hupaida-ida di sude inganan.

JEREMIA 6:7 ပူးပေါင်းရင်းမြစ်များ

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JESAYA 57:20

Tapi anggo parjahat, songon laut na so jungada demak do i jana torus gumalusak. Marbalun-balun ombakna i marobani bustak dohot rompak-rompak.

JEREMIA 20:8

Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

JEREMIA 30:12

Satutuna, songon on do didok Tuhan: “Santak do hancit ni nyaemu, nada tarpamalum bugangmu.

JEREMIA 30:13

Sahalak pe nada adong na ra pature ho nada adong ubat ni angka baromu nada adong be arop ni roha hamamalummu.

JEREMIA 30:15

Ulang be humolos hara ni angka bugangmu angke na so siaropon ni roha be ho malum. Songon i ma baenonKu hona uhum hamu hara ni bahat ni dosamu dohot godang hasalaanmu.

JEREMIA 32:31

Mamungka dipajongjong kota on, na dung sun do muruk ni rohangKu dibaen halak kota on. Na dung diputuskon humani do laho patimpaskon halahi,

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

JEHESKIEL 21:29

Gabus do parnidaan na niidamunu jana buras dohot bungkak do alatan na nipajojormunu. Na jahat do hamu jana na so hasaya jana madung donok hatihana manjagit uhuman na parpudi hamu. Ponggolkonon ni podang i ma rungkungmunu.’

JEHESKIEL 24:7

Masa do di kota i mamunu jolma, tapi nada durus tu tano mudar ni na hona bunu i, tapi tu ginjang ni batu na pir do, jadi nada tartimbun.

JEHESKIEL 45:9

Didok Tuhan Debata i ma, “Tuk ma da angka dosamunu i, ale angka parkuaso ni Israel! Antak hamu ma na mambaen roha-rohamunu i dohot na mamisat rayat i. Baen hamu ma na tigor dohot na sintong. Na so jadi usironmunu be bangsongKu sian tano ni halahi. Au, Tuhan Debata do mamarentahon i tu hamu.

JEHESKIEL 7:11

Mur martamba hajahatan dibaen hakejamon. Sandok sinadongan, hagodangan dohot bungaran ni halahi abis noma i nada martanda.

JEHESKIEL 7:23

Gabe gurgar ma sude luat on; sanga di dia adong sibunu jolma dohot hakejamon.

ZEPANYA 3:1

Marjaya ma si pangalo dohot si jurngit, ale kota na jotjot mamparkanciti, kota na jurngit na sai mangalo tu Tuhan dohot na mamisat halakna sandiri!