JEREMIA 6:6 - BIBEL JAMITA NA DENGGAN

⁶ Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

JEREMIA 6:6 ပူးပေါင်းရင်းမြစ်များ

JESAYA 37:33

On ma na nidok ni Tuhan salaho tu raja Asur: ‘Nada masuhannia anggo kota i sanga manembakkon sada anak ni pana pe adop kota i. Sian tonga-tonga ni angka tentara na maniop parince nada adong sahalak pe na giot mandonohi kota i, jana humaliang kota i pe nada giot pajongjongonna tuhu-tuhu laho manghobuk kota i.

JEREMIA 20:8

Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 32:31

Mamungka dipajongjong kota on, na dung sun do muruk ni rohangKu dibaen halak kota on. Na dung diputuskon humani do laho patimpaskon halahi,

JEREMIA 33:4

Au Tuhan, Debata ni Israel mandok, na giot hobuhon ma anggo kota Jerusalem jana disaroso lopus marumpak bagas godang ni raja Juda dohot angka bagas na di kota i.

JEREMIA 39:1

Di bulan sampulu taon pasambilankon si Zedekia mamarenta gabe raja ni Juda, ro ma si Nebukadnesar raja ni Babel rap dohot sude parangannia mamorangi Jerusalem.

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

JEHESKIEL 4:2

Dung i gombarkon ma sada panghobuhan maradopkon kota i, dohot sude bondar, angka tano timbun, angka undung-undung dohot parkokas laho mangonjar humaliang tembokna i.

JEHESKIEL 5:5

Didok Tuhan Debata ma, “Ligi da, on ma Jerusalem. Hubaen do kota on di tonga-tonga ni angka bangso parbegu jana angka luat ni halahi mangkuliangisa.

DANIEL 11:15

Dung i hobuhon ni raja ni Siria ma sada kota na marbenteng jana buatonna. Nada bisa tentara ni Mesir i martahan; angka tentara pilian pe nada adong be gogona.

ZEPANYA 3:1

Marjaya ma si pangalo dohot si jurngit, ale kota na jotjot mamparkanciti, kota na jurngit na sai mangalo tu Tuhan dohot na mamisat halakna sandiri!

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.