JEREMIA 6:4 - BIBEL JAMITA NA DENGGAN

⁴ “Marhobas ma hita mamorangi ia. Beta, kehe ma hita mangaroro halahi hatiha kotu! ‘Marmara ma hita, angke ma mamungka samon ari, madung maginjang angka halinu!’

JEREMIA 6:4 ပူးပေါင်းရင်းမြစ်များ

JOB 7:2

songon hatoban manghalungunkon pangondianna, songon pangomo na intean di na niomona.

ENDE NA GODANG 2:17

lopus mangombus alogo ni ari manyogot, di na kehe hagolapan dipaorot. Mulak ma, hasudungan, songon ursa jantan, na ro sian luat partoran.

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

JEREMIA 15:9

Markancit ma ina na dung pitunoli tubuan anak, hosana mangkip-angkip. Madung manggolap mataniari disia di tonga ari maila ma ia jana heput. Na tinggal sian halahi lehenonKu ma tu podang di jolo ni musuna songon i ma didok Tuhan.”

JEREMIA 5:10

SuruonKu ma musu i laho manyegohon kobun anggur ni halahi, tapi nada jabat pola mambaen buang kobun i. SuruonKu ma musu i manggotap ranting ni angka bona ni anggur ni halahi, angke nada Au antong nampuna angka rantingna i.

JEREMIA 6:23

I ma angka na marsinjatahon pana dohot podang; na jingar do halahi jana na so umboto ampun. Songon husasak ni laut na marombak, songon i ma sora ni parlojong ni kudo ni halahi na dipacu laho mamorangi Jerusalem.”

JEREMIA 8:20

Pio-pio ma halak Israel, “Madung salpu saonnari sabion dohot logo ni ari, hape hita laing nada dipalua.”

JOEL 3:9

Pabotohon ma boa-boa on tu angka bangso: Markobas ma marporang dohot mangasahon gogo! Pajuju hamu ma angka na malo marlojong dohot angka ulubalang; palagut sude angka parajurit, beta ma, maju ma!

OBAJA 1:1

On ma parnidaan ni si Obaja; dipalalu ia do tona ni Tuhan Na Gumincat i taringot tu bangso Edom: Ditongos Tuhan ma angka suruanNa tu angka bangso, jana hubege do tona na niobanna i, “Markobas ma hamu marporang! Beta ma hita mamorangi Edom.”

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

ZEPANYA 2:4

Harana giot tinggalkonon ni halak ma kota Gasa jana Askelon gabe mamolngit; ayakon ma rayat ni kota Asdod di hatiha tonga ari jana Ekron dipartunggalbalikkon.