3 umbaen na marroan angka parmahan dohot pahan-pahanan ni halahi? Marbandar ma halahi manghuliangi luat i. Panganonna ma lopus abis bagi aha na dapotsa.
Jana laing songon na nidok ni Tuhan marhite angka panurirang naposoNia i, ditongos Tuhan ma angka garombolan na marsinjata sian halak Babel, Siria, Moab dohot Amon laho mangalo si Joyakim jana dipasude ma Juda.
Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.
Ale raja ni tano Asur! Mapola marmatean angka gubernurmu, angka bupatimu pe ma pola modom salolot-lolotna. Rayatmu marserak di angka dolok, jana nada adong sahalak pe tarbaen maroban halahi mulak.