JEREMIA 6:26 - BIBEL JAMITA NA DENGGAN

²⁶ Didok Tuhan ma tu bangsoNia, “Pake hamu ma abit goni jana margiling-giling ma hamu di abuan i. Marsiluluton jana mangandungi ma hamu di bagasan pangkilalaan na dangol songon halak na mangandungi anakna sisada-sada na mate, angke ompot noma hamu roroon ni hamamago.”

JEREMIA 6:26 ပူးပေါင်းရင်းမြစ်များ

PAMUNGKAAN 21:16

juguk muse ma ia hira-hira saratus meter sian inganan i. Didok ia ma di bagasan rohania, “Nada tarpaligi-ligi au anakki mate.” Tangis muse ma ia disi.

JOB 15:21

Angka sora na jorbut manggohi pinggolna; dompak sonang ro ma pambuhar mangalosa.

JOB 2:8

Dung i juguk ma si Job di ginjang ni rompak na nitimbun, jana dibuat ia ma topik-topik ni ngarngar panghayo ni pamatangnia i.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

JESAYA 22:4

Jadi gabe hudok ma, “Padao ma panailimu sian au. Tadingkon ma sasada au mangandungi di bagasan hapaeton, ulang be sai apoi au hara ni hamamago ni boru ni bangsongku.

JESAYA 3:24

Gabe muap busuk ma angka na huskus i, tali ma gonti ni bobat, ulu ni halahi na marobuk na jeges i gabe palpalon noma, angka pakean ni halahi na jeges-jeges i pe gontion ma dohot pakean na mardarang-derung; jana tihas ma gonti ni hajegeson i.

JESAYA 30:13

Hara ni i marsala do hamu. Tarsongon tembok na gincat do hamu na matapor sian ginjang lalu tu toru; tompu noma hamu maronco.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

JEREMIA 18:22

Suru ma tompu ro angka panyamun tu bagas ni halahi anso mangangguhi halahi hara ni songgotna. Madung dihuar halahi godung anso madabu au tu bagasan, jana ditaon halahi jorgong laho manangkup au.

JEREMIA 30:5

“Madung Hubege parngair ni halak na humitir, angka sora ni halak na mabiar jana nada adong dame taringot tu hadamean.

JEREMIA 4:11

Di hatihana i dohonon ma tu bangso on dohot tu rayat ni Jerusalem: “Mangombus ma alogo na milas sian angka tor, na harsang di padang halongonan tu angka boru ni bangsongKu; nada na giot mamurpur sanga na paiaskon.”

JEREMIA 4:20

Mardapot-dapot parmaraan i marroan mangaroncohon sude luat. Ompot ma bandarniba dirumpakkon, abitna i diparsibakkon.

JEREMIA 4:8

Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

JEREMIA 8:21

Magopu rohangku hara ni hancit ni nyae ni bangsongku, marsak jana mandele rohangku.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 9:10

Au si Jeremia, hudok ma, “Tangis ma au jana marsak hara ni padang dohot angka dolok na dung mahiang mangkarogang boti nada dibolus-bolus halak. Nada habegean be sora ni pahan-pahanan, marlojongi sude unggas dohot sude pahan-pahanan.”

ANDUNG 1:16

Patunda ni i ma da maraburan iluniba, nada adong na mangalehen gogo dohot pangapoi ni roha. Mago ma sude na adong di bangso i, angke gumodang antong kuaso ni musui.

ANDUNG 1:2

Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

ANDUNG 3:16

Diogoskon Ia bohingku tu tano, disotukkon Ia iponku tu batu lopus maropang.

ANDUNG 3:48

Mabakbak ilu ni matangku, hara ni na hona hasegoan bangsongku.

ANDUNG 4:10

Jorbut ma da parmaraan i na mandondoni bangsongki; salang angka ina parroha na lambok dilompa ia noma anakna sandiri baen pangisi ni butuhana.

ANDUNG 4:3

Salang induk ni sorigala, dipasusu do anakna, hape anggo bangsongku na kejam do tudos songon pambaen ni unggas unto di halongonan.

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

JUNUS 3:6

Di na tarbege tu raja ni Ninive barita i, manigor mijur ma ia sian habangsania. Dibuka ia ma baju harajaonnia i jana dipake ia ma abit goni, lalu juguk ma ia di abuan.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

LUKAS 7:12

Di na lalu Jesus di horbangan ni kota i, adong ma halak na maroban sada na mate tu balian. Anak sasada ni na mabalu do na jumolo i. Bahat do marroan halak kota i mangudurkon ina na mabalu i.

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!