JEREMIA 6:25 - BIBEL JAMITA NA DENGGAN

²⁵ Nada puluk hami ruar tu dalan sanga kehe tu balian, angke di sude inganan sai mambaen gogo do angka musu na marsinjata.

JEREMIA 6:25 ပူးပေါင်းရင်းမြစ်များ

2 JUJUR TAON 15:5

Di hatiha i nada aman halak muda kehe mardalanan, dibaen sai adong do hagaoran godang di ganop luat.

JOB 18:11

Sai na manginte do na jorbut sian sasudena tu halak na jahat; diayak-ayak biar do sian langka na sada tu langka na sada.

MASMUR 31:13

Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 30:5

“Madung Hubege parngair ni halak na humitir, angka sora ni halak na mabiar jana nada adong dame taringot tu hadamean.

JEREMIA 4:10

Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

JEREMIA 4:5

Palu hamu ma sarune di sude luat on! Tangkas ma marsurak jana marsora na gogo. Suru hamu ma halak Juda dohot Jerusalem marlojong tu angka kota na marbenteng.

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 49:29

Rampas ma angka pahan-pahanan, biri-biri, unto maradu angka undung-undung ni halahi dohot isina sudena, jana marsurak ma hamu tu halahi, ‘Ogor-ogor noma na mangarajai hamu!’

JEREMIA 49:5

Tondongon ni hakejamon ma hamu na Huparo sian sude pihak. Marlojong ma hamu, marsipalua dirina be, jana nada adong be na palagutkon hamu mangulahi.

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

JEREMIA 8:15

Nada marguna arop rohanta di hadameon dohot hatiha na pamalumkon, angke hum na mangasahon gogo do na adong.

ANDUNG 2:22

Dihara Ho angka musungku mambaen pesta na gok hakejamon humaliang au. Di ari ni hamumurukMu, sahalak pe nada tarbaen malua sian uhumanMu. Angka na huhaholongi dohot na hupasari-sari ma pola dibunu angka musu i.

JEHESKIEL 21:17

Au pe martopap-topap muse ma, dung i mombun ma muruk ni rohangKu, Au Tuhan, madung mandok songon i.”

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.