JEREMIA 6:2 - BIBEL JAMITA NA DENGGAN

² Sarupo dehe lakna boru Sion songon padang na di hajopkon ni roha,

JEREMIA 6:2 ပူးပေါင်းရင်းမြစ်များ

JESAYA 1:8

Hum Jerusalem noma na tinggal, i pe laing na hona hobuk ma i na so margeldok, songon sopo di kobun anggur sanga songon undung-undung di kobun ancimun.

JEREMIA 4:31

Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

ANDUNG 2:1

Di bagasan murukNa do dibaen Tuhan, dilingkup Ia Sion dohot hagolapan. Hagodangan ni Israel na salangit i, madung disampakkon Ia tu portibi. Taran di parmuruk ni Tuhan, bagasNia na di Sion i pe nada diSia marhaporluan.

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

ANDUNG 4:5

Na somal hian halahi mangankon na tabo-tabo, gabe mate tangkuraparon di dalan-dalan i, jana na mangolu di bagasan na marlobi-lobi, hape anggo saonnari payak-payak di sarop-sarop.

PANGARATAION 28:56

Salang boru ni na mora parroha na dumenggan pe jana na songon i kayo na so unjung mardalan pat sanga na tu dia, laing songon i ma baenonna. Muda dihobuk musu hutana i mandele ma ia hara ni na tangkuraparon, jadi gabe sip-sip ma ia mangankon anakna na baru sorang dohot anggi-anggina i. Saotik pe sian sipanganon i nada lehenonna tu halaklahina na nihaholongan ni rohana sanga pe sada sian anakna i.