JEREMIA 6:18 - BIBEL JAMITA NA DENGGAN

¹⁸ Jadi gabe didok Tuhan ma, “Tangihon ma ale angka bangso! Angkon botoonmunu do sanga aha na giot masa tu bangsongKu.

JEREMIA 6:18 ပူးပေါင်းရင်းမြစ်များ

JESAYA 5:3

Jadi saonnari didok donganKi ma, “Hamu sude halak Jerusalem dohot Juda, hamu ma jolo mangadili antara kobun anggurKu dohot Au.

JEREMIA 31:10

Didok Tuhan do, “Tangihon hamu ma ale angka bangso! Palalu ma tonangKu tu bariba ni laut: BangsongKu na dung Hupaserakkon giot palagutonKu jana pasari-sarionKu songon parmahan na manjago biri-birina.

JEREMIA 4:10

Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

JEREMIA 4:16

Laho paingotkon angka bangso do haroro ni halahi dohot paboahon tu halak Jerusalem na dung ro musu sian luat na dao. Marsurak-surak ma halahi mandok hata ni porang maradopkon angka kota ni Juda,

JEREMIA 6:17

Dung i marpupu ma diangkat Tuhan angka panjago na paingotkon halahi anso ditangihon nian sora ni sarune sipaboa tanda. Hape didok bangso i do, “Nada ra hami manangihon i.”

JEREMIA 6:19

Parrohahon ma ale portibi! Nada ra bangsongKu manjagit pangajaranKu jana nada mangoloi tu Au. Hara ni angka tahi ni halahi, Huparo ma parmaraan tu halahi.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”