JEREMIA 6:12 - BIBEL JAMITA NA DENGGAN

¹² Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEREMIA 6:12 ပူးပေါင်းရင်းမြစ်များ

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 9:12

Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JEREMIA 21:5

Au sandiri giot mamorangi hamu sagogongKu jana mardongan gilap ni murukKu.

JEREMIA 38:22

Di bagasan parnidaan i huida ma sude dadaboru na adong dope di bagas godang ni raja Juda ditogu tu ruar mandapotkon angka perwira ni raja Babel i. Di na mardalan i didokkon halahi ma, ‘Madung tarpaoto-oto raja i dibaen angka ale-alena i, jana guru dok ni halahi noma i. Saonnari dung bonom patna tu bustak mandao be halahi sudena.’ ”

JEREMIA 38:23

Hudok ma mangulahi, “Sude isi ni bagas ni raja i obanon ni halak Babel ma haruar. Raja i sandiri pe nada malua. Tangkupon ni raja Babel ma raja i jana kota on surbuonna ma sude.”

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEREMIA 8:10

Patunda ni i na giot pasahatonKu noma ladang ni halahi tu tuan partano na asing, dohot angka dadaboru ni halahi tu halak na asing. Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim dohot do manggabusi halak.

ANDUNG 2:8

Madung putus di roha ni Tuhan anso tarbaen Ia manyegohon Sion i sudena. Angka tembok dohot palas-palasna, ma pola gabe maropuk i sudena.

ANDUNG 3:3

Dibalbali au marulak noli, so adong ibo ni roha sasadari.

ANDUNG 5:11

Angka ina-ina di Sion diparroha-roha, angka bujing-bujing dipaksa marmainan di angka huta ni Juda.

ANDUNG 5:2

Madabu tu tangan ni halak sileban do tean-teanannami, diingani halak na asing angka bagasnami.

ANDUNG 5:3

Madung gabe tinggal menek hami, na so marama; inanami pe madung songon angka ina na mambalu.

JEHESKIEL 35:3

Palalu ma tu halak luat i sanga aha na Hudok: ‘Musumu noma Au ale halak na maringanan di partoran Edom! Giot baenonKu tanomu gabe mamolngit.

JEHESKIEL 7:24

ParoonKu ma angka bangso na jumingar laho mambuati angka bagasmunu. Heput do angka jolma na gumarang sian hamu angke padiaronKu do angka bangso i mangaroncohon inganan paribadatanmunu.

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

ZEPANYA 1:4

UhumanKu ma sude na maringanan di Jerusalem dohot na di Juda sudena. Teba-teba ni parsombaan tu Baal pe abiskononKu ma sian i. Halupahonon noma sude angka malim na mangoloi Baal dohot angka debata na asing i.