JEREMIA 6:1 - BIBEL JAMITA NA DENGGAN

¹ Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEREMIA 6:1 ပူးပေါင်းရင်းမြစ်များ

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

2 JUJUR TAON 11:6

kota Betlehem, Etam, Tekoa,

NEHEMIA 3:14

Si Malkia anak ni si Rekhab, parkuaso ni distrik Bet-Kerem: Pintu Horbangan Rompak dohot angka pintuna, angka baut dohot angka palangna.

NEHEMIA 3:5

dohot rayat Tekoa. Tapi anggo hatobangan ni kota i nada ra mangkarejohon karejo ni tuanna i.

JEREMIA 10:22

Tangihon hamu ma! Adong barita na paboahon sada bangso di Utara na mambaen hagaoran. Gabe mamolngit jana gabe lobu ma angka kota ni Juda baenon ni tentarana. Martabuni disi ma angka sorigala.”

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 4:29

Habegean do gaor sora ni angka parangan na markudo dohot parsior, mambaen ganop halak marlojongi humosa-hosa; marmasuhan halahi tu harangan, tu dolok batu halahi manangkok. Angka kota maradu mamolngit, nada adong be na ra maringanan disi.

JEREMIA 6:22

Songon on ma didok Tuhan, “Satutuna, giot ro ma sada bangso sian Utara, sada bangso na godang hobas sian suhi ni tano on.

AMOS 1:1

Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

ZAKARIA 6:6

Kehe ma kareta porang na nitarik ni kudo na lomlom i sabola tu Utara adop Babel. Kudo na bontar i kehe adop Hasundutan jana kudo sibolang i kehe adop Selatan.”

JOSUA 15:63

Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.

HAKIM-HAKIM 1:21

Marga Benyamin pe nada tarusir halahi morot halak Jebus sian kota Jerusalem. I ma dalanna umbaen na laing rap disi halak Jebus dohot halak Benyamin.