JEREMIA 52:8 - BIBEL JAMITA NA DENGGAN

⁸ Tapi diayak tentara ni Babel i do Raja Zedekia, jana ditangkup ma ia di napa ni Jeriko. Marlojongi do sude anak buania i manadingkon ia.

JEREMIA 52:8 ပူးပေါင်းရင်းမြစ်များ

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 32:4

Raja Zedekia pe nada malua, tapi dohot do ia pasahaton tu raja ni Babel. Mangadop ma ia tu raja i jana manghobari sandiri dohot ia.

JEREMIA 34:21

PasahatonKu ma si Zedekia raja ni Juda i dohot angka pagawena tu angka jolma na sai giot mamatehonsa. PasahatonKu ma halahi tu tentara ni Babel, na dung manadingkon hamu.

JEREMIA 37:17

Dung i disuru Raja Zedekia ma halak maroban au mangadop tusia di bagas godang. Disi disapai ia ma au di sihabunian betak na adong tona sian Tuhan. “Adong,” ningku mangalusi, lalu hupaudut, “Pasahaton noma raja i tu raja ni Babel.”

JEREMIA 37:18

Dung i husapai ma, “Aha dehe hajahatanku maradopkon raja i sanga maradopkon angka pagawe ni raja i sanga tu rayat, umbaen na jabat dipamasuk raja i au tu hurungan?

JEREMIA 38:23

Hudok ma mangulahi, “Sude isi ni bagas ni raja i obanon ni halak Babel ma haruar. Raja i sandiri pe nada malua. Tangkupon ni raja Babel ma raja i jana kota on surbuonna ma sude.”

JEREMIA 39:5

Tapi diayak tentara Babel i ma halahi jana ditangkup ma si Zedekia di napa ni Jeriko. Dung i dioban ma ia tu Raja Nebukadnesar di kota Ribla na di tano Hamat, lalu diuhum mate ma ia.