JEREMIA 52:7 - BIBEL JAMITA NA DENGGAN

⁷ Dirorak musu i ma tembok ni kota i. Di borngin i, haru pe laing dihobuk halak Babel kota i, marsilojongkon dirina ma angka tentara ni Juda sabola tu Rura Jordan. Mamolus sian kobun ni bagas godang ma halahi, luncat sian horbangan na padomuhon tembok na dua i di inganan i.

JEREMIA 52:7 ပူးပေါင်းရင်းမြစ်များ

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

JEREMIA 34:22

ParentahononKu ma anso mulak halahi tu kota on, jadi serangon ni halahi ma, masuhanna lalu surbuonna. Giot baenonKu angka kota ni Juda songon halongonan na so diingani ni jolma. Au Tuhan, madung mandok songon i.”

JEREMIA 39:2

Di ari sambilan bulan opat taon pasabolaskon mamarenta Raja Zedekia, dionjar musu i ma tembok ni kota i,

JEREMIA 49:26

Marmatean ma di ari i angka doli-doli ni halahi di dalan-dalan i jana sude tentarana hona bunu.

JEREMIA 51:32

Inganan panyiborangan pe madung diingani musu, jana angka benteng partahanan disurbui. Golap be roha ni tentara ni Babel.

JEREMIA 6:5

Dumenggan ma borngin hita pungka mamorangi, lalu mangaroncohon angka benteng ni kota i.”

JEHESKIEL 12:12

Di borngin marimpot-impot porsanon ni raja ni halahi ma gendonganna di abarana lalu kehe. Pambaenan ni halak ma lubang di tembok anso ulang diidasa dalan na nibolusna.

JEHESKIEL 33:21

Di tanggal lima bulan sampulu, di taon padua bolaskon habuangannami, ro ma sada halak na malua sian Jerusalem jana dipaboa ia ma tu au na dung madabu kota i.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

HAMALIMON 26:36

Angkon tarbuang do hamu muse tu luat na leban, baenonKu habiaran tu hamu pola tehe hum umbege sora ni bulung-bulung na niombus ni haba-haba pe gabe mabiar hamu. Gabe marlojong ma hamu songon na diayak di parporangan, martinggangan ma hamu di hatiha so adong musu humaliang hamu.

AMOS 4:3

Saraton ma hamu jana ambungkonon tu ruar, sian rigat ni tembok na dumonok. Au Tuhan madung mandok songon i.”

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.