JEREMIA 52:6 - BIBEL JAMITA NA DENGGAN

⁶ Di tanggal sambilan bulan opat laing di bagasan taon i, dompak hajebuanna haleon potir lopus nada adong be sipanganon bagi aha di rayat i.

JEREMIA 52:6 ပူးပေါင်းရင်းမြစ်များ

2 RAJA-RAJA 25:3

Di tanggal sambilan bulan opat di taon i, nada adong be panganon ni rayat i.

JESAYA 3:1

Jana satutuna Tuhan, Tuhan Na Markuaso, giot padaoonNa sian Jerusalem dohot sian Juda sandok jolma na nipangasahon ni halahi, dohot sude parsadiaan panganon dohot siinumon,

JEREMIA 15:2

Muda disapai halahi tu ho, sanga na tu dia halahi kehe, songon on ma dokkon alusna, ‘Didok Tuhan, na ditontuhon parmatena hara ni nyae padiar ma mate hara ni nyae. Na kehe tu hamatean, tu hamatean ma! Na kehe tu podang, tu podang ma! Na kehe tu tangkuraparon, tangkuraparon ma! Na kehe tu tabanan, tu tabanan ma!’

JEREMIA 19:9

Hobuhon ni musu ma kota on jana manggogo ma halahi mamunu halakna. Hara ni jebuna panghobukna i jabat marsipanganan angka jolma na di bagasan kota i, salang angka dakdanakna sandiri pe tehe panganonna.”

JEREMIA 21:9

Ganop halak na tinggal di bagasan kota mate ma baenon ni podang, tangkuraparon sanga nyae masa. Tapi sanga ise na haruar laho tunduk tu halak Babel na mamorangi kota on, malua do halahi jana nada hona bunu.

JEREMIA 25:10

AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

JEREMIA 37:21

Jadi gabe diparentahon Raja Zedekia ma anso dihurung au di alaman ni bagas godang. Jadi disi ma au tinggal jana ganop ari dilehen do di au roti sian parmasahan ni roti lopus nada adong be roti di kota i.

JEREMIA 38:9

“Ale Rajanami na marmulia, nada denggan pambaenan ni angka jolma i. Dipamasuk halahi do Panurirang Jeremia tu bagasan sumur; musti gabe mate so mangan ia disi, harana madung abis sipanganon di kota on.”

JEREMIA 39:2

Di ari sambilan bulan opat taon pasabolaskon mamarenta Raja Zedekia, dionjar musu i ma tembok ni kota i,

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”

ANDUNG 5:10

Marun pamatangnami hara ni na malean, milas huling-hulingnami songon na di parapian.

JEHESKIEL 14:13

muda mardosa sada luat nada setia tu Au, na giot uhumanKu do negara i. RoncohononKu ma bohal simpanan ni halahi, Huparo haleon potir jana Hubunu jolmana bope pahan-pahananna.

JEHESKIEL 14:21

Didok Tuhan Debata i: “DabuhononKu ma uhuman na jumorbut tu kota Jerusalem laho mamusa jolma bope pahan-pahanan. Uhuman i, i ma: Porang, tangkuraparon, binatang panyoro dohot nyae.

JEHESKIEL 31:1

Di tanggal sada bulan tolu di taon pasabolaskon hatiha habuangannami, didok Tuhan ma tu au,

JEHESKIEL 5:16

Abis baenonKu simpanan ni balanjomu jana padiaronKu tangkuraparon halakmu. Hilalaon ni halahi ma paniak ni na malean, songon anak ni pana na tajom na manombuk jana mamatehon ho.

JEHESKIEL 7:15

Di angka dalan na di kota marbadai jolma, di angka bagas ro nyae masa dohot na tangkuraparon. Sanga ise na di balian ni kota mate di bagasan parbadaan noma i, jana na tinggal di kota gabe mate baenon ni nyae noma i dohot tangkuraparon.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.