JEREMIA 52:12 - BIBEL JAMITA NA DENGGAN

¹² Di tanggal sampulu bulan lima ditaon pasambilan bolaskon mamarenta si Nebukadnesar gabe raja ni Babel, ro ma sada halak tu Jerusalem na margoar si Nebusaradan. Panuturi dohot panglima ni tentara ni si Nebukadnesar.

JEREMIA 52:12 ပူးပေါင်းရင်းမြစ်များ

PAMUNGKAAN 37:36

Jadi dung lalu di Mesir, manigor digadis halak Midian i ma si Josep tu si Potifar, i ma sada halak parpangkat na gabe kapala ni pangawal ni bagas godang.

2 RAJA-RAJA 24:12

jana disi ma Raja Joyakin, inangnia, angka dakdanaknia, angka perwirania dohot angka pagawenia menyerah tu si Nebukadnesar. Jadi ditaban ma si Joyakin. Di taon pasalapankon ma i masa dung mamarenta si Nebukadnesar.

2 RAJA-RAJA 25:8

Di tanggal pitu bulan lima taon pasambilan bolaskon pamarentaan ni si Nebukadnesar raja ni Babel i, ro ma sada halak na margoar si Nebusaradan tu Jerusalem. Hatobangon dohot panglima ni tentara ni si Nebukadnesar do ia.

ESRA 5:12

Tapi madung dibaen angka ompu na umpompar hami haririmas ni Debata parkuaso na di banua ginjang i, gabe dipasahat Ia ma halahi tu kuaso ni si Nebukadnesar, raja ni Babel na sian pomparan ni si Kasdim. Dironcohon ia ma Bagas i jana diangkat ia ma bangsonami tu Babel.

NEHEMIA 2:3

jana hualusi ma, “Sai horas ma da raja i sapanjanna! Bia ma he so marsak iba, anggo laing na tinggal maropuk do kota inganan ni kuburan ni angka daompung boti angka pintu horbanganna i pe madung abis dipangan api.”

MASMUR 79:1

Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

JEREMIA 1:3

Di pudi ni i manghobari dope Tuhan marpupu tusia, mamungka mangarajai si Joyakim anak ni si Josia lopus tu taon pasabolaskon mangarajai si Zedekia anak ni si Josia. Di bulan palimahon di bagasan taon i, dioban ma halak Jerusalem tu habuangan.

JEREMIA 32:29

jana surbuonna lopus abis. Mosok muse ma angka bagas na gabe boncir ni hamumurukKu, harana di ginjang ni tarupna i ma ditutungi halak dupa tu Baal dohot manduruskon anggur baen pelean tu angka debata.

JEREMIA 39:11

Madung disuru Raja Nebukadnesar komandan ni parangannia si Nebusaradan paruarkon parenta songon on,

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

JEREMIA 52:14

Dung i dirumpakkon angka parangannia i ma angka tembok ni kota i.

DANIEL 1:1

Tolu taon dung mamarenta Raja Joyakim di Juda, ro ma si Nebukadnesar raja ni Babel mamorangi kota Jerusalem jana manghobuksa.

DANIEL 2:14

Jadi didapotkon si Daniel ma si Ariokh, pamimpin ni pangawal ni raja i na ditugaskon mambunu angka na pistar.

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”