JEREMIA 51:9 - BIBEL JAMITA NA DENGGAN

⁹ Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

JEREMIA 51:9 ပူးပေါင်းရင်းမြစ်များ

2 JUJUR TAON 28:9

Adong do sada panurirang ni Tuhan na maringanan di Samaria na margoar si Oded. Di parmulak ni tentara ni Israel i maroban tabanan na sian Juda i, ro ma si Oded mandapotkon halahi di na laho masuk halahi tu kota. Didok ia ma, “Ma talu dibaen hamu halak Juda hara ni na muruk Tuhan Debata ni ompumunu tu halahi. Tapi ditangihon Tuhan do sanga songon dia kejamna dibaen hamu mamunu tentara ni Juda i.

ESRA 9:6

Hudok ma, “O, ale Debatangku, maila do au mangangkat tanganku di adopanMu. Martimpa-timpa do dosanami di ginjang ni ulunami lalu dais tu langit.

JESAYA 13:14

Halak na asing na maringanan di Babel lari ma i tu luatna be; marserak noma halahi songon ursa na marlojong sian parburu sanga songon biri-biri sahulanan na so marparmahan.

JESAYA 47:15

Aha ma he jasa ni pangaramal i di ho, na dung mangalehen sipaingot sian najolo? Markehean be do manadingkon ho; nada adong na ro mangurupi ho.”

JEREMIA 46:16

Bahat tentaramunu tartuktuk lalu tinggang. Didok halahi do sama halahi, ‘Beta ma da mulak hita tu bangsonta anso laing malua hita sian podang ni musu i.’

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 50:16

Ulang paloas hamu jolma disi marsuan-suanan sanga manyabi. Marmulahan noma sude halak na asing na maringanan disi tu tanona be, dibaen mabiar do halahi tu tentara na ro i.”

JEREMIA 8:20

Pio-pio ma halak Israel, “Madung salpu saonnari sabion dohot logo ni ari, hape hita laing nada dipalua.”

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!

HALUMBAAN 18:5

Angke martamba-tamba do dosania sungkot ro di langit, jana dipaingot-ingot Debata do angka dosana i.