JEREMIA 51:8 - BIBEL JAMITA NA DENGGAN

⁸ Tompu ma madabu Babel lalu sarge. Tangisi hamu ma i, jana jalahi hamu ma ubat tu angka gasana i, betak na ra dope malum.

JEREMIA 51:8 ပူးပေါင်းရင်းမြစ်များ

JESAYA 21:9

Ligi, indu ma halahi! Parangan na markudo ro mardua-dua. Dung i ro ma panjago i paboahon, “Madung madabu Babel! Madung marragean angka patung na nisomba ni halahi i di tano.”

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JESAYA 47:9

Hape hum santongkin, di bagasan sadari sajo, tarjadi ma pangalaho na dua i rap ro. Haru pe dipake aji dohot jampi, laing dirampas do halaklahimi dohot anakmi.

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

JEREMIA 48:20

Alusan ni halahi ma, ‘Madung madabu Moab jana gabe marlayas, hara ni i tangisi hamu ma da ia. Pabotohon ma sapanjang Batang aek Arnon paboa na dung maropuk Moab.’ ”

JEREMIA 48:31

Patunda ni i tangisanku noma ganop be sian hamu, tangisanku noma angka halak na di Kirheres, kota hagodanganmunu i.

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

JEREMIA 51:41

Didok Tuhan ma, “Madung talu Babel na tarpuji i di sandok portibi on! Jorbut ma da luat i di angka bangso.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

JEHESKIEL 30:2

“Ale anak ni jolma, manyurirangi ma ho jana dokkon ma, “Songon on ma hata ni Tuhan Debata, mangandung ma ho: I ale! Madung ro arina.

DANIEL 5:24

Patunda ni i ma da umbaen na ditongos Debata tangan i laho manyuratkon tona i.

NAHUM 3:19

Nada haubatan be gasamu, angka bugangmu pe nada tarpamalum be. Martopap be marjop ni roha sude halak na umbege hasesegomu. Angke madung sude halak marhancit patunda ni hajahatanmu na so marujung i.

HALUMBAAN 14:8

Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.